Bidhaa bandia zazisababishia upotevu mkubwa wa fedha nchi za EAC

|
Bidhaa 'feki' zikiteketezwa, zinadaiwa kuwa sababu kubwa ya nchi kupoteza fedha nyingi kwa mwaka

Ukanda wa Afrika Mashariki umekuwa ukipoteza dola za kimarekani takribani shilingi milioni 500 kila mwaka kutokana na uingizwaji wa bidhaa bandia katika nyanja mbalimbali ikiwepo vifaa vya umeme, mbolea, mbegu pamoja na vifaa tiba na dawa.

Hayo yamebanishwa na Mkuu wa Mkoa wa Mtwara, Gelasius Byakanwa alipofungua mafunzo ya kuwajengea uwezo wakuu wa uchunguzi wa makosa ya jinai kuhusiana na udhibiti wa bidhaa bandia yaliyotolewa na Tume ya Ushindani ambapo amesema ili kuweza kufikia ushindani huo kunahitaji zaidi uzalendo ili wapelelezi hao waweze kuwabaini waingiza wa bidhaa hizo na wapi zinapotengenezwa.

Magdalena Utouh ambaye ni Mkaguzi Mkuu wa Sheria za Alama za Bidhaa kutoka Tume ya Ushindani amesema ni jukumu la Jeshi la Polisi kuchunguza na kuendesha mashtaka dhidi ya makosa yanayohusiana na bidhaa bandia.

Ameongeza kuwa ili kufanikisha hilo ni lazima Polisi nchini wajengewe uwezo nna sasa ni muafaka na muhimu huku Mkuu wa Mafunzo wa Jeshi la Polisi DCP Ally Lugendo akisema biashara ya bidhaa bandia ni makosa ya jinai ambayo yanahusiana kwa kiasi kikubwa na makosa ya kifedha.

Katika kufikia azma ya Tanzania ya viwanda, uchumi wa viwanda vya kati kumebainika kuwa uwepo wa bidhaa bandia sokoni ni kikwazo kwa ukuaji wa viwanda na kuikosesha Serikali mapato.

Biashara
Maoni