Boeing wapunguza uzalishaji wa ndege zake aina ya 737

|
Baadhi ya ndege zinazozalishwa na Boeing ambazo zimepunguzwa uzalishaji wake

Kufuatia ajali ya kuanguka kwa ndege za Shirika la Ethiopia na Indonesia, Kampuni ya Boeing imefikia uamuzi wa kupunguza uzalishaji wa ndege zake aina ya 737 iliyofanya vizuri katika mauzo yake.

Kwa mujibu wa taarifa ya Boeing, hatua hiyo ya kupunguza uzalishaji huo umefanyika kutoka uzalishaji wa ndege 52 kwa mwezi  hadi  42 katika kipindi cha katikati ya mwezi Aprili.

Taarifa hiyo imeongeza kuwa aumuzi huo ni matokeo ya kusikitisha kwa bidhaa ya ndege aina hiyo ya 737 Max – aina ya kisasa iliyosababisha ajali mbili mfululizo.

Ndege hiyo kwa sasa imezuiwa kufanya safari zozote kama sharti mojawapo la kuhakikisha wanatafuta sababu ya ajali hizo zinazodaiwa kutokana na madai ya kuwepo kwa tatizo katika mifumo ya umeme.

 Ndege ya Shirika la Ethiopia aina ya Boeing 737 Max ilipata ajali kwa kuanguka dakika chache baada ya kuruka kutoka Uwanja wa Addis Ababa mwezi Machi, na kuua watu wote 157.

Aidha nayo Ndege ya Shirika la Lion Air ya Indonesia ilipata ajali kwa kuanguka baharini miezi mitano iliyopita muda mfupi baada ya kuruka ikitokea Jakarta na kuua watu wote 189.

Usafiri
Maoni