Test
Benki ya Exim kulipa gharama za safari kuishabikia Taifa Stars (Afcon) 2019 Misri

Benki ya Exim leo imezindua kampeni maalum inayofahamika kama 'Afconika na Exim'ambayo inatoa fursa kwa wateja wa benki hiyo kulipiwa gharama zote za safari na malazi ili waweze kushuhudia mechi za timu ya taifa, Taifa Stars katika mashindano ya fainali za Kombe la Mataifa ya Africa (Afcon) 2019 nchini Misri.

Akizungumza wakati wa unzinduzi wa kampeni hiyo jijini Dar es Samaam leo, Mkuu wa huduma ya rejareja wa benki ya Exim, Andrew Lyimo alisema kampeni hiyo ya miezi miwili itakamilika mwanzoni mwa mwezi Juni na ipo wazi kwa watejawapya na wale ambao tayari wana akaunti za benki hiyo.

“Kampeni hii inakuja ikiwa ni mwendelezo wa mkakati wa benki ya Exim katika kusimamia ustawi wa wateja unaofahamika kama 'Exim kazini leo, kwa ajili ya kesho' (Exim at Work Today, for tomorrow) unaoendana na dira na muelekeo wa benki hiyo. Ni kampeni inayothibitisha nia ya benki ya Exim katika kutafuta kesho iliyo bora kwa wateja na jamii inayoizunguka.’’Alisema.

Alisema washindi wa kampeni hiyo watapata fursa ya pekee ya kufurahia mchezo wanaoupenda huku pia wakipata fursa ya kuungana na Taifa Stars katika mashindano hayo huku wakiwa wamelipiwa gharama zote za safari ikiwemo gharaza na Visa,tiketi ya ndege, gharamza za tiketi ya kushuhudia mechi hizo pamoja na fedha za kujikimu.

"Jumla kutakuwa na washindi watano ambapo washindi wawili watapatikana katika mwezi wa awali wa kampeni na washindi wa wengine watatu watapatikana katika mwezi wa mwisho wa kampeni hii.’’ Alisema.

Kwa mujibu wa Lyimo ili kushiriki katika kameni hiyo, wateja wapya wanapaswa kufungua Akaunti ya Akiba na kuhakikisha kila mwezi ina kiasi kisichopungua Tshs 500,000 au zaidi au kufungua Akaunti ya Current/biashara ikiwa na wastani wa kila mwezi wa Tshs 10,000,000 au hifadhi ya amana maalum (Fixed deposit) yenye thamani isiyopungua Tshs 5,000,000. "Alisema.

Kwa wateja ambao tayari wana akaunti ya benki hoyo, Lyimo alisema wanachotakiwa kufanya ni kuongeza akiba kwa kiasicha Tshs 500,000 au zaidi kwa Akaunti za Akiba au kuongeza kiasi cha Tshs 10,000,000 kwenye akaunti zao za Current/biashara au kuwa na hifadhi ya amana maalum (Fixed deposit) yenye thamani isiyopungua Tshs 5,000,000.

Kwa upande wake, Mkuu wa Idara ya Masoko na Mawasiliano wa Benki ya Exim, Stanley Kafu, alisema kampeni hiyo ni fursaadimu ambapo itatoa nafasi kwa washindi hao kuweza kushuhudia Taifa Stars ikitimiza ndoto zake za kushiriki katika mashindano ya AFCON baada ya zaidi ya miaka 30 kupita.

Kwa mujibu wa Kafu, kampeni hiyo ni sehemu ya mkakati wa kibenki katika kutafuta kesho bora kwa wateja wake na jamii kwa ujumla ambapo pamoja na mambo mengine benki hiyo imekuwa ikiunga mkono agenda za kitaifa ikiwemo suala zima la michezo.

 

Boeing wapunguza uzalishaji wa ndege zake aina ya 737

Kufuatia ajali ya kuanguka kwa ndege za Shirika la Ethiopia na Indonesia, Kampuni ya Boeing imefikia uamuzi wa kupunguza uzalishaji wa ndege zake aina ya 737 iliyofanya vizuri katika mauzo yake.

Kwa mujibu wa taarifa ya Boeing, hatua hiyo ya kupunguza uzalishaji huo umefanyika kutoka uzalishaji wa ndege 52 kwa mwezi  hadi  42 katika kipindi cha katikati ya mwezi Aprili.

Taarifa hiyo imeongeza kuwa aumuzi huo ni matokeo ya kusikitisha kwa bidhaa ya ndege aina hiyo ya 737 Max – aina ya kisasa iliyosababisha ajali mbili mfululizo.

Ndege hiyo kwa sasa imezuiwa kufanya safari zozote kama sharti mojawapo la kuhakikisha wanatafuta sababu ya ajali hizo zinazodaiwa kutokana na madai ya kuwepo kwa tatizo katika mifumo ya umeme.

 Ndege ya Shirika la Ethiopia aina ya Boeing 737 Max ilipata ajali kwa kuanguka dakika chache baada ya kuruka kutoka Uwanja wa Addis Ababa mwezi Machi, na kuua watu wote 157.

Aidha nayo Ndege ya Shirika la Lion Air ya Indonesia ilipata ajali kwa kuanguka baharini miezi mitano iliyopita muda mfupi baada ya kuruka ikitokea Jakarta na kuua watu wote 189.

Kampuni ya Huawei yaishtaki Serikali ya Marekani

Kampuni kubwa ya vifaa vya kielektroniki ya China, Huawei leo, Alhamisi imefungua mashitaka dhidi ya Serikali ya Marekani kupinga sheria ya nchi hiyo ambayo inazizuia kampuni nchini humo kununua bidhaa zake.

Huawei imesema kesi hiyo imefunguliwa katika Mahakama ya wilaya huko Plano, Texas ikipinga kuwa sheria hiyo ya Marekani ya masuala ya ulinzi ya mwaka 2019 inayozuia mashirika ya serikali kununua vifaa vyake au kushirikiana na wateja wa Kampuni ya Huawei inakiuka katiba.

Hatua hiyo inatuma ishara duniani kwamba Kampuni ya Huawei imedhamiria kutumia kila njia, zikiwemo mahakama za kitaifa, kupinga kuondolewa katika mbio za kuwania soko la mawasiliano ya simu ya 5G, ambayo ni mawasiliano ya spidi ya juu ya simu.

Mwenyekiti wa Kampuni ya Huawei, Guo Ping amesema Marekani mara kwa mara imeshindwa kutoa ushahidi kuhusu madai yake ya kuzuia bidhaa za Huawei, jambo ambalo amesema limeilazimu kampuni hiyo kuchukua hatua za kisheria kwa kuisababishia hasara kampuni hiyo.

Marekani kwa muda mrefu imeichukulia kampuni ya Huawei kama tishio kutokana na historia nyuma ya mwanzilishi wake, Ren Zhengfei, ambaye alikuwa mhandisi wa zamani katika jeshi la China.

Wasiwasi huo umechochea Huawei kuwa kinara duniani wa mtandao wa vifaa vya simu na moja ya kampuni inayoongoza kwa simu za kisasa ikishindana na Kampuni za Samsung na Apple.

Kwa upande wa Serikali ya China, msemaji wa Wizara ya Mambo ya Nje ya nchi hiyo, Lu Kang ameichambua Sheria ya Marekani ya mwaka 2019 iliyopitishwa na Baraza la Congress inayozuia shughuli za kibiashara za Kampuni ya Huawei nchini humo na kwingineko na pia hatua ya Huawei kwenda mahakamani kutafuta haki yake ya kibiashara.

Sheria iliyopitishwa hivi karibuni na Serikali ya China ambayo inazitaka kampuni za China kuisaidia serikali katika masuala ya usalama wa taifa kumeongeza wasiwasi huu.

Wanajeshi Kenya wahudumu wasafiri walikwama JKIA, Kenya

Wanajeshi wa nchini Kenya wamechukua jukumu la kutoa huduma katika Uwanja wa Kimataifa wa Ndege wa Jomo Kenyatta kwa lengo la kukabiliana na usumbufu uliojitokeza leo kufuatia  mgomo wa wafanyakazi ulioanza mapema leo Jumatano.

Tangu asubuhi maelfu ya abiria wamejikuta wakikwama kuendelea na safari zao huku baadhi ya ndege zikielekezwa kutua katika Uwanja wa Ndege wa Kimataifa wa Dar es Salaam na ndege nyingine zikifuta safari zake.

Mgomo huo unatokana na wafanyakazi hao kupinga mpango wa kuunganisha mamlaka ya usimamizi wa viwanja vya ndege (KAA) na Shirika la Ndege la Taifa (Kenya Airway).

Uwanja huo kwa siku hudaiwa kuhudumia ndege za abiria 120 na kwa leo kwa mujibu wa BBC, walipozungumza na Afisa mkuu Mtendaji wa KQ, Sebastian Mikos takribani  safari 24 za ndege zimeathirika kutokana na mgomo huo.

''Tumekuwa tukiwasiliana na wafanyakazi wote wa KAA tangu saa kumi asubuhi, kwa kweli ni shughuli katika Uwanja wa JKIA na viwanja vingine nchini zimeathirika kutokana na mgomo huo kwa wakati huu tutasema kwamba safari za ndege zimechelewa... safari za ndege 24 zimeathirika'' alisema  Mikos alipozungumza na BBC.

Benki ya Exim kuinunua benki ya UBTL

Ikiwa na lengo la kutanua mizizi yake kibiashara hapa nchini, Benki ya Exim Tanzania imeonyesha nia ya  kuinunua  rasmi benki ya UBL Tanzania Limited (UBTL) kwa asilimia 100. Hii ni baada ya kutiliana saini barua ya kuonesha nia hiyo (Letter of Intent).

Kwa mujibu wa taarifa iliyotolewa  leo jijini Dar es Salaam na  Naibu Ofisa  Mtendaji Mkuu wa  benki ya Exim Jaffari Matundu, ununuzi huo  unaohusisha mali na madeni unazidi kuifanya benki hiyo ambayo kwa sasa ni miongoni mwa benki tano kwa ukubwa hapa nchini kuzidi kujitanua zaidi ndani na nje ya nchi.

“Kwetu ni furaha kubwa kuona kwamba familia yetu inazidi kuongezeka kwa kuwa tayari tunaungana na wanafamilia kutoka benki ya UBTL . Zaidi ya yote tunaamini pia kuwa wafanyakazi  wa benki ya UBTL wataongeza nguvu ambayo kwa pamoja tutaweza kutoa huduma bora zaidi za kibenki kwa wateja wa UBTL,’’ alisema Matundu.

Alisema kuwa benki ya Exim inatarajia kukaribisha wateja wa benki ya UBTL katika mtandao mpana wa matawi ya benki ya Exim huku akiongeza kuwa hatua ya ununuzi huo ni upanuzi wa asili na uimarishaji wa uwepo wa benki hiyo katika soko la ndani ya nchi.

Benki ya Exim ilianzishwa mwaka 1997 na ndio benki ya kwanza hapa nchini kuvuka mipaka na kujiimarisha nje ya nchi ambapo kwasasa imefanikiwa kuwa na matawi yake katika nchi za Uganda, Comoro and Djibouti.

Tangu kuanzishwa kwake benki hiyo imekuwa ikijipambanua kwa ubora wa huduma ikilenga kujenga thamani ya uwekezaji kwa wadau wake  na kufikia ukuaji wake kwa kutoa huduma kwa upekee na iliyoboreshwa.

Kwa upande wake Ofisa Mtendaji Mkuu wa UBTL Gasper Njuu alisema benki hiyo pamoja na wanahisa wake wamekuwa na mtazamo chanya juu ya fursa za ukuaji nchini Tanzania na kwasasa hilo linakwenda kufanikiwa kupitia benki ya Exim.

“Wakati tukiwa kwenye mkakati wa mabadiliko ya kibiashara kupitia uwekezaji zaidi kwenye huduma za kidigitali ndipo tulipokea ombi kutoka benki ya Exim wakiomba kununua benki ya UBTL na baada ya kufikiria kwa kina  pande zote wakiwemo wanahisa wetu walikubaliana na ombi hilo hasa kwa kuzingatia ubora, weledi na sifa za benki ya Exim kwa hapa nchini ambao kimsingi unaleta tija kubwa kwa wadau na wateja wetu,’’ alibainisha  Njuu

Benki ya UBTL ilianzishwa mwaka 2013, kama benki tanzu inayomilikiwa na  Benki ya United Bank Limited (UBL) ambayo ni ya pili kwa ukubwa nchini Pakistan na imetoa huduma za benki za rejareja na za jumla kwa wateja mbalimbali.

Alisema hatua ya ununuzi inahusisha taratibu kadhaa za kisheria zikihusisha  nchi za Tanzania na Pakistan na zinatarajiwa kukamilika katikati ya  mwaka 2019.

Kufuatia hatua hiyo  pande zote yaani Benki ya Exim na UBTL wameahidi kushirikiana vyema na Benki Kuu ya Tanzania  ndani ya wiki zijazo kuhakikisha kwamba mabadiliko hayo yanafanyika kwa urahisi na kwa kuzingatia taratibu zote za kisheria.

Shirika la Posta: Tuko tayari kubadilishaji fedha za kigeni

Shirika la Posta nchini limesema lipo tayari kuendesha shughuli ya kubadilisha  fedha za kigeni ikiwa ni siku chache baada ya Benki Kuu ya Tanzania (BOT) kufuta leseni kwa baadhi ya maduka yanayofanya biashara hiyo kutokana na mengi kushindwa kukidhi matakwa ya sheria.

Posta Masta Mkuu na Mtendaji Mkuu wa Shirika la Posta, Hassan Mwang'ombe amesema wamekuwa wakifanya biashara hiyo ya kubadili fedha za kigeni kwa muda mrefu licha ya kwamba hawatambuliki huku akisema watakuwa wanatumia kiwango cha Serikali ili kudhibiti michezo michafu.

BoT ilifungia baadhi ya maduka na kisha kutangaza huduma za kubadilishia fedha zitaendelea kupatikana kwenye benki, taasisi za fedha, Shirika la Posta na baadhi ya maduka yatakayokidhi kiwango.

Airbus A220 -300 yaanza kupasua anga za Zimbabwe - Zambia

Shirika la Ndege la Tanzania kwa kutumia Ndege yake mpya aina ya Airbus A220 -300 leo, Ijumaa Februari 22 limeanza rasmi safari zake za kutoka Tanzania kwenda nchi mbili za Zambia na Zimbabwe.

Uzinduzi wa safari hizo umefanyika leo katika Uwanja wa Ndege wa Kimataifa wa Julius Kambarage Nyerere jijini Dar es salaam ambapo S  erikali imesema hii ni hatua muhimu katika uboreshaji wa huduma za shirika hilo.

Safari hizo zitakuwa mara tatu kwa wiki ambapo Shirika la Ndege la Tanzania limesema huenda zikaongezeka kulingana na mahitaji ya soko.