Test
Watanzania watakiwa kuchangamkia fursa ya maparachichi

Waziri wa Fedha na Mipango, Dkt. Philip Mpango, amewataka watanzania, hususan vijana kuchangamkia fursa ya kilimo cha parachichi kwa kuwa zao hilo lina thamani kubwa na soko la uhakika.

Dkt. Mpango, ametoa wito huo wilayani Hai mkoani Kilimanjaro alipokutana na wadau mbalimbali wanaojihusisha na kilimo cha kahawa wakiwemo wawekezaji wa zao la kahawa na parachichi.

Amesema kuwa zao hilo lililopewa jina la dhahabu ya kijani, mtaji wake wa uwekezaji ni mdogo lakini baada ya miaka mitatu mkulima anaweza kupata faida kubwa kupindukia.

Naye Waziri wa nchi, Ofisi ya Waziri Mkuu anayeshughulikia uwekezaji, Angela Kairuki amesema kuwa Serikali kwa upande wake imejipanga kuvutia wawekezaji wengi hususan katika kilimo ambacho kinategemewa na wananchi wengi nchini na yeye akatoa wito kwa watanzania kuikimbilia fursa hiyo ya kilimo cha parachichi.

Benki ya Exim kuinunua rasmi Benki ya UBTL

Ikiwa na lengo la kutanua mizizi yake kibiashara nchini, Benki ya Exim Tanzania imeonyesha nia ya kuinunua rasmi Benki ya United Tanzania Limited (UBTL) kwa asilimia 100. Hii ni baada ya kutiliana saini barua ya kuonesha nia hiyo (Letter of Intent).

Kwa mujibu wa taarifa iliyotolewa leo jijini Dar es Salaam na Naibu Ofisa Mtendaji Mkuu wa Benki ya Exim, Jaffari Matundu, ununuzi huo unahusisha mali na madeni unaozidi kuifanya benki hiyo ambayo kwa sasa ni miongoni mwa benki tano kwa ukubwa nchini kuzidi kujitanua zaidi ndani na nje ya nchi.

“Kwetu ni furaha kubwa kuona kwamba familia yetu inazidi kuongezeka kwa kuwa tayari tunaungana na wanafamilia kutoka Benki ya UBTL. Zaidi ya yote tunaamini pia kuwa wafanyakazi wa benki hiyo wataongeza nguvu ambayo kwa pamoja tutaweza kutoa huduma bora zaidi za kibenki kwa wateja wa UBTL,’’ alisema Matundu.

Benki ya Exim kuinunua benki ya UBTL

Ikiwa na lengo la kutanua mizizi yake kibiashara hapa nchini, Benki ya Exim Tanzania imeonyesha nia ya  kuinunua  rasmi benki ya UBL Tanzania Limited (UBTL) kwa asilimia 100. Hii ni baada ya kutiliana saini barua ya kuonesha nia hiyo (Letter of Intent).

Kwa mujibu wa taarifa iliyotolewa  leo jijini Dar es Salaam na  Naibu Ofisa  Mtendaji Mkuu wa  benki ya Exim Jaffari Matundu, ununuzi huo  unaohusisha mali na madeni unazidi kuifanya benki hiyo ambayo kwa sasa ni miongoni mwa benki tano kwa ukubwa hapa nchini kuzidi kujitanua zaidi ndani na nje ya nchi.

“Kwetu ni furaha kubwa kuona kwamba familia yetu inazidi kuongezeka kwa kuwa tayari tunaungana na wanafamilia kutoka benki ya UBTL . Zaidi ya yote tunaamini pia kuwa wafanyakazi  wa benki ya UBTL wataongeza nguvu ambayo kwa pamoja tutaweza kutoa huduma bora zaidi za kibenki kwa wateja wa UBTL,’’ alisema Matundu.

Alisema kuwa benki ya Exim inatarajia kukaribisha wateja wa benki ya UBTL katika mtandao mpana wa matawi ya benki ya Exim huku akiongeza kuwa hatua ya ununuzi huo ni upanuzi wa asili na uimarishaji wa uwepo wa benki hiyo katika soko la ndani ya nchi.

Benki ya Exim ilianzishwa mwaka 1997 na ndio benki ya kwanza hapa nchini kuvuka mipaka na kujiimarisha nje ya nchi ambapo kwasasa imefanikiwa kuwa na matawi yake katika nchi za Uganda, Comoro and Djibouti.

Tangu kuanzishwa kwake benki hiyo imekuwa ikijipambanua kwa ubora wa huduma ikilenga kujenga thamani ya uwekezaji kwa wadau wake  na kufikia ukuaji wake kwa kutoa huduma kwa upekee na iliyoboreshwa.

Kwa upande wake Ofisa Mtendaji Mkuu wa UBTL Gasper Njuu alisema benki hiyo pamoja na wanahisa wake wamekuwa na mtazamo chanya juu ya fursa za ukuaji nchini Tanzania na kwasasa hilo linakwenda kufanikiwa kupitia benki ya Exim.

“Wakati tukiwa kwenye mkakati wa mabadiliko ya kibiashara kupitia uwekezaji zaidi kwenye huduma za kidigitali ndipo tulipokea ombi kutoka benki ya Exim wakiomba kununua benki ya UBTL na baada ya kufikiria kwa kina  pande zote wakiwemo wanahisa wetu walikubaliana na ombi hilo hasa kwa kuzingatia ubora, weledi na sifa za benki ya Exim kwa hapa nchini ambao kimsingi unaleta tija kubwa kwa wadau na wateja wetu,’’ alibainisha  Njuu

Benki ya UBTL ilianzishwa mwaka 2013, kama benki tanzu inayomilikiwa na  Benki ya United Bank Limited (UBL) ambayo ni ya pili kwa ukubwa nchini Pakistan na imetoa huduma za benki za rejareja na za jumla kwa wateja mbalimbali.

Alisema hatua ya ununuzi inahusisha taratibu kadhaa za kisheria zikihusisha  nchi za Tanzania na Pakistan na zinatarajiwa kukamilika katikati ya  mwaka 2019.

Kufuatia hatua hiyo  pande zote yaani Benki ya Exim na UBTL wameahidi kushirikiana vyema na Benki Kuu ya Tanzania  ndani ya wiki zijazo kuhakikisha kwamba mabadiliko hayo yanafanyika kwa urahisi na kwa kuzingatia taratibu zote za kisheria.

Shirika la Posta: Tuko tayari kubadilishaji fedha za kigeni

Shirika la Posta nchini limesema lipo tayari kuendesha shughuli ya kubadilisha  fedha za kigeni ikiwa ni siku chache baada ya Benki Kuu ya Tanzania (BOT) kufuta leseni kwa baadhi ya maduka yanayofanya biashara hiyo kutokana na mengi kushindwa kukidhi matakwa ya sheria.

Posta Masta Mkuu na Mtendaji Mkuu wa Shirika la Posta, Hassan Mwang'ombe amesema wamekuwa wakifanya biashara hiyo ya kubadili fedha za kigeni kwa muda mrefu licha ya kwamba hawatambuliki huku akisema watakuwa wanatumia kiwango cha Serikali ili kudhibiti michezo michafu.

BoT ilifungia baadhi ya maduka na kisha kutangaza huduma za kubadilishia fedha zitaendelea kupatikana kwenye benki, taasisi za fedha, Shirika la Posta na baadhi ya maduka yatakayokidhi kiwango.

Wakazi wa Mwanza wahaha kutafuta nyama ya ng'ombe leo

Wakazi wa Jiji la Mwanza wamekumbwa na ukosefu wa nyama kutokana na wafanyabiashara wa mifugo na nyama kusitisha shughuli za uchinjaji wakishinikiza Serikali kuondoa mnada wa Nyamatala upelekwe Fumagila wlayani Nyamagana.

Mapema asubuhi katikai ya Jiji la Mwanza manung'uniko ni kuadimika ghafla kwa kwa  kitoweo cha nyama ya ng'ombe na badala yake wananchi wamelazimika kula nyama ya mbuzi pekee.

Mwandishi wetu alipotembelea baadhi ya maduka ya nyama kwenye Soko Kuu la Mwanza alishuhudia kuadimika kwa nyama hiyo ya ng'ombe.

Mgomo huo umelenga kuishinikiza Serikali kuhamishwa kutoka eneo la mnada wa kati Nyamatala wilayani Misungwi na kusogezwa wilayani Nyamagana ili kupunguza gharama za uendeshaji wa shughuli zao ambazo wafanyabiashara hao wamesema eneo walilolazimishwa kufanyia shughuli zao linawasababishia gharama na usumbufu.

Katika mgomo huo uliofanyika katika eneo la Fumagila, Kata Kishiri wafanyanyabiashara takribani 400 walikusanyika katika eneo hilo wanalodaiwa kuwa ni eneo tengefu la mnada wa awali wa Jiji la Mwanza.

Kwa upande wa  viongozi wa Serikali, Afisa Mifugo wa Jiji, Julius Mlongo amesema sakata hilo litafanyiwa kazi na kurejeshewa majibu.

Wafanyabiashara wazungumzia athari za kushuka kwa shilingi

Baadhi ya wafanyabiashara wa Soko Kuu la Kariakoo wamezungumzia kuwepo kwa athari katika biashara kutokana na mfumuko wa bei uliosababishwa na biashara kufanywa kwa kutumia shilingi huku manunuzi yakiwa ni kwa dola na hivyo kupelekea bei  ya dola kuwa juu zaidi na hivyo kuleta hasara kwa wafanyabiashara.

Hayo wameyabainisha walipozungmza na kamera ya Azam News juu ya kuwepo kwa taarifa ya kushuka kwa shilingi na kusababisha hata uagizaji wa mizigo kutoka nje ya nchi kushuka

Hivi karibuni kumekuwepo na taarifa ya kushika kwa shilingi ambapo iliilazimu kuwatafuta baadhi ya wafanyabisahara ambao wamekuwa wakifanya manunuzi ya bidhaa zao kutoka nje ya nchi kuona ni kwa namna gani kumekuwa kushika kwa shilingi kumepelekea kuathiri biashara zao.

Soko la Kariakoo ndipo mahali penye wafanyabiashara wa vifaa vya pikipiki maarufu kama boda bodoa ambao wamekuwa wakiagiza bidhaa zao nje ya nchi na wameweka bayana kuyumba kwa biashara kwa sasa kutokana na kushuka kwa shilingi.

Kwa mujibu wa taarifa kutoka Benki Kuu ya Tanzania iliyotolewa kwenye vyombo vya habari kupitia Mkurugenzi wa Sera za Utafiti wa BoT, Dkt. Suleiman Misango sababu za kupanda kwa dola zimetajwa kuwa ni kutokana na mambo kadhaa ikiwemo kutokua msimu wa watalii, kuchelewa kuuzwa kwa mazao nje kama korosho na pamba huku taarifa hiyo ikiongeza kuwa kitendo hicho hakiwezi kuathiri uchumi na kwamba suala hilo ni la mpito tu kwani kuanzia mwezi ujao hali itarejea kawaida.

Dola ya Kimarekani imeendelea kuimarika dhidi ya shilingi na kufikia 2,420.   

Airbus A220 -300 yaanza kupasua anga za Zimbabwe - Zambia

Shirika la Ndege la Tanzania kwa kutumia Ndege yake mpya aina ya Airbus A220 -300 leo, Ijumaa Februari 22 limeanza rasmi safari zake za kutoka Tanzania kwenda nchi mbili za Zambia na Zimbabwe.

Uzinduzi wa safari hizo umefanyika leo katika Uwanja wa Ndege wa Kimataifa wa Julius Kambarage Nyerere jijini Dar es salaam ambapo S  erikali imesema hii ni hatua muhimu katika uboreshaji wa huduma za shirika hilo.

Safari hizo zitakuwa mara tatu kwa wiki ambapo Shirika la Ndege la Tanzania limesema huenda zikaongezeka kulingana na mahitaji ya soko.