OPEC watafuta njia ya kusaidia kushusha bei ya mafuta

|
Wananchi wanachama wa OPEC wakihudhuria mkutano wao huko Viena

Nchi Wanachama wa Jumuiya ya Nchi zinazozalisha mafuta duniani (OPEC) zimekutana huko Vienna, Austria  kwenye mkutano wake wa 175 wa jumuiya hiyo safari hii wakilenga kutafuta njia ya kusaidia kushuka kwa bei ya mafuta, huku wataalam wakitabiri kupungua kwa uzalishaji.

Bei ya mafuta ghafi imeelezwa kuanza kushuka tangu mwezi Oktoba mwaka huu huku ikitarajiwa kushuka zaidi  kwa sababu wazalishaji kama Marekani na Saudi Arabia wanazalisha kwa kiasi kikubwa na pia kwa kuhofia nchi zenye ukuaji hafifu wa uchumi zitapunguza uhitaji wa mafuta.

Wataalam wanasema mkutano huo wa OPEC utaipa nguvu bei ya mafuta kwa miezi ijayo.

Mkutano huo wa OPEC unafanyika baada ya Shirika la Taifa la Mafuta la Qatar hivi karibuni kutangaza kujitoa kwenye jumuiya hiyo ifikapo mwezi Januari mwakani kwa madai kuwa uwepo wake kwenye jumuiya hiyo haujawa na faida kwa QATAR kama nchi ambayo huzalisha taktiban mapipa 600,000 kwa siku

Biashara
Maoni