Wizara ya Utalii yaendelea kujinadi nchini China

|
Moja ya vivutio vya utalii nchini Tanzania kinachotangazwa nchini China

Wizara ya Maliasili na Utalii inaendelea na mikutano ya kuvitangaza vivutio vya utalii vya nchini katika miji mitano ya China ambapo moja ya ujumbe wao ni kuwahakikishia watalii wanaotoka nchi hiyo kuanzia mwezi Februari mwakani watakuwa na uhakika wa kuja Tanzania kwa usafiri wa moja kwa moja wa ndege wa Shirika la Ndege la Tanzania.

Hayo yamesemwa na Meneja wa Mauzo na Usambazaji wa Air Tanzania, Edward Nkwabi na Mkurugenzi mwendeshaji wa Bodi ya Utalii Tanzania, Devotha Mdachi wakati wakizungumza na wadau wa utalii wa nchini China katika mkutano uliofanyika jijini Guangzhou.

Wamesema huduma hizo za usafiri wa ndege zitarahisisha azma ya Wizara ya Maliasili na Utalii ya kuongeza watalii wa China kutoka 30,000 kwa mwaka na kufikia takribani Watalii 60,000  hadi 100,000 kwa mwaka katika kipindi cha miaka miwili ijayo.

Utalii
Maoni