Latest News
Ommy Dimpoz awashukuru shabiki zake kwa shopingi ya nguvu
Msanii wa Muziki wa Bongo Fleva, Omary Nyembo maarufu kama Ommy Dimpoz amewafurahisha mashabiki wake wa muziki kwa kuwafanyia manunuzi maalum katika duka ya GSM yaliyopo jijini Dar es Salaam jana.
 
Mashabiki hao walijishindia zawadi hizo kutoka kwa Dimpoz kufuatia wawili hao kuwachaguliwa kupitia ukurasa wake wa Instagram wakiwa ni miongoni mwa wafuatiliaji wazuri wa muziki wake.
 
Kupitia ukurasa wake wa Instagram Ommy Dimpoz, alipiga picha na mashabiki hao kabla ya kuanza manunuzi na kuandika na kuwashukuru kwa kuwa mashabiki waaminifu.

“Na Hawa ndo Washindi maana kuna watu waliongoza kwa kujaza tag lakini hajawahi hata kutoa support japo kupost tu pale unapotoa kazi ndo maana nilisema mtag yule ambae unamuona anastahili kufanyiwa shopping ambae pia ni Fan wangu nadhani mkiingia kwenye page za hawa wawili mtaona, @imworldqueen na @kaka_wa_kingkiba mtaona ASANTENI”

Latest News
Hospitali yaruhusu ndoa kufungwa wodini baada ya bwana harusi kulazwa

Uongozi wa hospitali ya Gatesville Melomed nchini Afrika Kusini ililazimika kuruhusu kufanyika kwa sherehe kwenye moja ya wodi zake baada ya mmoja wagonjwa wake kulazimika kufunga ndoa hospitalini hapo.

Bwana harusi, Muneer Hercules alishambuliwa kwenye tukio la uporaji na kulazimika kulazwa kwenye hospitali hiyo siku moja kabla ya siku ya ndoa.

Kwakuwa harusi ilikuwa imeshapangwa ikalazimu hospitali hiyo “kutoa msaada wa kipekee” kwa kuruhusu dnoa kufungwa wakati bwana hrusi akiwa kitandani na sherehe ndogo kufanyika hospitalini hapo ikiwahusisha ndugu wachache wa familia.

Hercules alimuoa mchumba wake Marya Kallile siku ya Jumapili baada ya kushambuliwa usiku wa siku ya Jumamosi.

Latest News
Forbes yamtaja Kylie Jenner kuwa ndiye bilionea mdogo zaidi

Habari za mkanganyiko wa mambo hazijawahi kuiacha mbali familia ya Kardashian.

Lakini safari hii, siyo kuhusu suala la watoto au wapenzi wao wa kiume waliobeba vichwa vya habari bali ni mmoja wa binti wa Kris, Kylie Jenner ambaye ametambulishwa kama mmoja wa matajiri vijana anayekadiriwa kutengeneza mabilioni ya dola.

Jenner, ambaye  aliyetambulishwa na Jarida la Forbes akishika nafasi ya 10 ya utajiri akiwa na miaka 21,  anatambulika kimataifa zaidi kupitia Kipindi chao cha maisha halisi ya familia yao kinachojulikana kama Keeping Up with the Kardashians.

Licha ya Jenner kutangazwa kwamba utajiri wake huo umetokana na kufanya vema katika mauzo ya biashara zake za vipodozi, maarufu kama  Kylie Cosmetics, baadhi ya watu wamehoji iwapo fedha hizo ni kweli zimetokana na ‘jitihada zake binafsi’ ,

Jenner ameikaribisha hadhi hiyo ya ubilionea kupitia ukurasa wake wa Instagram kwa kuishukuru Forbes kwa kumtambua.

Aidha ametetea dhana ya kuwa bilionea kwa jitihada zake binafsi akisema katika fedha yote hiyo hakuna fedha ya urithi na kusema kuwa "Ni kweli utajiri huo ni jitihada zake".

Amedai kuwa alipokuwa na umri wa miaka 15, wazazi wake, Kris na Caitlyn Jenner, walimuondoa katika kuwategemea na kumweleza kuanza kujitafutia utajiri wake mwenyewe.

Kwa upande wa Forbes wameelezea namna wanavyopima suala hilo kwa kusema: "Ili kuweka hili wazi, Forbes tunaitafsiri "jitihada binafsi" kama mtu ambaye ameijenga kampuni na kuwezesha kujipatia utajiri wake mwenyewe, badala ya kurithishwa kiasi au wote."

Latest News
R. Kelly afunguka kwa uchungu kuhusu tuhuma zinazomkabili

Mwanamuziki nguli wa muziki wa R&B nchini Marekani, R. Kelly ametoa machozi na kukanusha kwa hasira madai yanayomkabili kuhusiana na udhalilishaji wa kingono, ikiwa ni mahojiano yake ya kwanza tangu akamatwe mwezi uliopita.

Katika mahojiano yake yaliyokuwa yamejaa hisia kali, R.Kelly amesema, yeye siyo mpumbavu hadi afikie kufanya vitendo hivyo anavyodaiwa vya kuwashikilia wasichana wadogo bila ridhaa yao na kuwafunga kwa minyororo.

Amesema, amepitia mengi katika historia ya maisha yake, hivyo hawezi kufanya makosa ambayo yanaweza kumuharibia maisha yake ya sasa huku akisisitiza kamwe hawezi na ni ujinga unaoenezwa na mitandao.

"Sijafanya hivyo vitendo. Siyo mimi," alisema kupitia kipindi cha This Morning kinachorushwa na Kituo cha Runinga cha CBS cha Marekani na kuongeza kuwa "Ninapigania maisha yangu".

Amesema, yeyote anaweza kumpenda au kumchukia lakini hawezi kutenda vitendo hivyo anavyodaiwa kuvifanya.

Mwendesha mashtaka wa Chicago tangu tayari ameshamfungulia R. Kelly mashtaka 10 yakiwemo ya kudhalilisha kingono, akiwahusisha waathirika wanne wa madai ya vitendo hivyo, huku watatu wakiwa ni wenye umri mdogo.

Hata hivyo bado hajapatikana na hatia kutokana na mashtaka hayo na kwa sasa yuko nje kwa dhamana.

Iwapo atapatikana na hatia, R Kelly anaweza kuhukumiwa kwenda jela miaka mitatu hadi sba kwa kila kosa.

Messi aitabiria Juventus ubingwa wa Ulaya msimu huu

Lionel Messi amekiri kuwa kwa mwaka huu klabu ya Juventus ni miongoni mwa timu ambazo zinaweza kuchukua kombe la ligi ya mabingwa ulaya (UEFA Champions League) kutokana na uwepo wa nyota Cristiano Ronaldo katika kikosi cha mabingwa hao wa Serie A.

Messi amesema kuwa kuondoka kwa Ronaldo kwenye kikosi cha Real Madrid kumeifanya timu hiyo kutopewa kipaumbele cha kushinda kombe hilo kwa msimu huu, akiweka wazi kuwa jambo hilo limeidhoofisha klabu hiyo ambayo ni mabingwa watetezi wa kombe hilo.

Akizungumza na Redio Catalunya Messi alisema “Real Madrid ni moja kati ya klabu bora duniani na wana kikosi kikubwa ila ni dhahiri kuwa kutokuwepo kwa Ronlado kunawafanya kupungua ubora na Juventus kuwa na nafasi zaidi ya kushinda Kombe la Mabingwa Ulaya (UEFA),".

“Ilinishangaza kiukweli. Sikufikiria yeye kuondoka Madrid wala kujiunga na Juventus. Kulikuwa na timu nyingi zinamuhitaji. Ilinishangaza, lakini amekwenda kwenye timu nzuri sana.”

Barcelona wamekuwa na mfululizo wa misimu mibaya ya Kombe la Mabingwa Ulaya tangu waliposhinda kombe hilo mwaka 2015. Wametolewa na PSG, Atletico Madrid na AS Roma, mara zote kwenye hatua ya robo fainali. Lakini Messi amejipa moyo kwa kujihakikishai kuwa msimu huu watafanya vizuri.

“Umefika wakati sasa,” alisema, “Tumetolewa katika hatua ya robo fainali kwenye misimu mitatu iliyopita. Matokeo ya msimu uliopita katika jiji la Roma yanaumiza zaidi, lakini tuna kikosi kizuri sana na tunaweza kulipigania (kombe la UEFA).”

Watoto waliopotea Thailand wapatikana pangoni

Vijana kumi na wawili na makocha wao waliokuwa wamenasa katika pango nchini Thailand wamepatikana hai huku wakitakiwa kuanza kufundishwa kuogolea au kusubiri miezi kadhaa kwa mafuriko yaliyopo kupungua kabla ya kutolewa nje ya pango hilo, imesema taarifa ya Jeshi.

Kundi hilo lilitoweka kwa takribani siku tisa na kugunduliwa walipo na waogeleaji wawili kutoka nchini Uingereza, jana Jumatatu katika kiupenyo kidogo kilichopo ndani ya pango hilo lililozingirwa na maji.

Waokoaji kwa sasa wanapambana kuona namna ya kuyavuka maji hayo ili kufikisha mahitaji muhimu kwa kundi hilo.

Watahitaji chakula kitachoweza kuwasaidia katika kipindi cha miezi minne, kwa mujibu wa wanajeshi.

Gavana wa Jimbo la Chiang Rai, Narongsak Osotthanakon amesema, jitihada kadhaa zilifanyika kwa kuunganisha umeme na kufikisha mawasiliano ya simu ndani ya pango hilo kwa ajili ya vijana hao kuzungumza na wazazi wao jambo lililoinua matumaini na kurejesha furaha zaidi.

Waokoaji hao wa Uingereza waliwasili nchini Thailand kwa ajili ya kujiunga na kikosi cha operesheni uokoaji cha nchi hiyo na kufanikiwa kuwapata watoto hao na makocha wao jana usiku.

Vijana hao walionekana kupitia nuru ya tochi wakiwa wamekaa juu ya jiwe lililokuwa ndani ya maji huku wakiwa wanawajibu waogeleaji hao kuwa wote 13 wapo pale na wana njaa sana.