Test
Polisi wachunguzi madai ya kutolewa agizo la kupigwa risasi 50 Cent

Polisi jijini New York limesema linafanyia uchunguzi madai ya kuwa afisa wake wa juu alitoa maelekezo kwa timu yake ‘ kupigwa risasi"  mwanamuziki wa kufoka foka nchini Marekani 50 Cent.

Inadaiwa kuwa madai hayo yalitolewa na Naibu Inspekta wa Polisi, Emanuel Gonzalez mwezi Juni mwaka jana wakati wa kujipanga kwa ajili kuimarisha ulinzi katika pambano la ngumi ambalo mwanamuziki huyo nyota alitarajiwa kuhudhuria.

50 Cent mwenyewe jana Jumapili alisema, alichukulia tishio hilo kwa "umakini mkubwa" na ameshawasiliana na mawakili wake.

Idara ya Polisi jijini New York ikizungumza na kituo cha Redio 1 katika kipindi chake maarufu cha Newsbeat kuhusu suala hilo kimesema "kinafanya uchunguzi wa ndani kuhusu suala hilo".

Mwanamuziki GODZILLA afariki dunia ghafla

Mwanamuziki maarufu wa muziki wa Hip Hop, Golden Mbunda maarufu Godzilla amefariki dunia ghafla usiku wa kuamkia leo Jumatano, Februari 13 nyumbani kwao Salasala jijiji Dar es Salaam.

Mwili wa marehemu umehifadhiwa katika Hospitali ya Jeshi ya Lugalo, jijini Dar es Salaam.

Baraza la Sanaa Tanzania (BASATA) pia limeonesha kuguswa na kifo cha msanii huyo, ambapo kupitia katika ukurasa wa Istagram wa baraza hilo, limeandika,

Mwanamuziki huyo alizaliwa Januari 5, 1988 mkoani Morogoro na alivuma zaidi katika tasnia ya muziki kupitia wimbo wake wa 'Salasala', ambao pia ulitambulisha mtaa wake aliokuwa akiishi

Wanawake wang'ara tuzo za 61 za Grammy Marekani

Wanamuziki Dua Lipa won na mwenzake Kacey Musgraves wamejishindia tuzo za muziki wa 61 za Grammy kwa upande wa wanawake, zilizofanyika usiku wa kuamkia leo, Jumatatu huko Marekani.

Dua Lipa amechukua tuzo hiyo kama mwanamuziki mpya katika tuzo hizo huku Kacey akichukua tuoz ya albamu bora ya mwaka na ya kwanza kwa upande wa wanawake.

Musgraves mbali na kushinda tuzo ya albamu bora, pia ameshinda jumla ya tuzo Nne katika saa za dhahabu.

Akipokea tuzo hizo Musgraves amesema ameitunuku tuzo hiyo kwa "mume wake kipenzi" ambaye walipenda wakati akirekodi albamu hiyo.

Kwa upande wake Dua amesema alikuwa na "hofu na furaha "  wakati akipokea tuzo hiyo katika usiku huo wa tuzo bora na kubwa kabisa kupokea.

Mwanamuziki huyo mwenye miaka 23 alitoa heshima pia kwa wanawake wasanii ambao wengi wao waliokwishapitia ambapo alisema: " Nafikiri kwa mwaka huu tumeongezeka."

Kauli hiyo imepokelewa kama kuunga mkono matamshi ya Rais wa tuzo hizo za Grammy, Neil Portnow, ambaye mwaka jana alijaribu kufafanua kuhusu ukosoaji wa kuwa tuzo hizo zimekosa washindi wanawake ambaye alisema, wanawake wanahitaji  " kujiongeza kwa ajili ya kuchukuliwa kwa uzito.

Wakati huo huo, mke Rais mstaafu wa Marekani, Michelle Obama alijitokeza katika mkusanyiko huo kwa kushtukiza akiwa amefuatana na wanamuziki nyota  akiwemo Lady Gaga, Jada Pinkett-Smith, Jennifer Lopez na  Alicia Keys na kutoa hotuba iliyobeba ujumbe murua kwa wahudhuriaji wa sherehe za tuzo hizo.

"Haijalishi tunapenda nini, uwe unapenda muziki wa country au rap au rock, muziki hutusaidia kuunganisha hisia zetu wenyewe , uchungu wetu, heshima yetu, matumaini yetu na hata furaha  zetu," ilinukuliwa sehemu ya hotuba yake hiyo ambapo alisema. "Muziki unaturuhusu kusikiliza wenyewe kwa wenyewe, na kualikana kila mmoja wetu." 

Ujumbe wa R. Kelly kuhusu ziara yake ya muziki waamsha hasira

Tangazo la mwanamuziki R Kelly la kuanza ziara ya maonesho ya muziki katika nchi za Australia, New Zealand na Sri Lanka, limekosolewa kila kona kutokana madai ya yanayomkabili mwanamuziki huyo kuhusu udhalilishaji wa kingono.

Mwanamuziki huyo nyota wa Marekani aliyevuma kwa mtindo wake wa muziki wa  R&B alitumia kurasa zake za mitandao ya kijamii ya Twitter, Facebook na Instagram kwa kuposti ratiba ya ziara yake hiyo ambayo hata hivyo baada ya hapo aliifuta.

Mpango huo wa ziara ya mwanamuziki huenda ukakumbana na vikwazo kufuatia Makala iliyoelezea madai ya kashfa ya ngono inayomuandama mwanamuziki huo kwa miongo kadhaa.

Wanasiasa wa ndani wametoa wito wa kuzuiwa kuingia nchini Australia.

Jana Jumanne, mshindi huyo wa tuzo ya Grammy mwenye miaka 52 alitwiti kwa kuandika "NEW TOUR ALERT", bila kutoa tarehe za matamasha hayo na wapi. Hata hivyo ujumbe huo ulipokelewa kwa hasira dhidi ya mwanamuziki huyo na wengi wa waliojibu walisema hakaribishwi kwenye nchi hizo.

Angelina Jolie atembelea wakimbizi wa Rohingya

Mcheza filamu nyota wa Hollywood nchini Marekani, Angelina Jolie ametembela kambi ya wakimbizi wa Rohingya iliyopo nchini Bangladesh jana Jumatatu ikiwa ni kuelekea utekelezaji wa ahadi mpya ya Umoja wa Mataifa ya kutumia takribani dola za Kimarekani bilioni moja kwa ajili ya kuwahudumia wakimbizi hao.

Baada ya kuwasili kusini mwa Taifa hilo la Asia, Jolie ambaye ni mjumbe maalum wa Shirika la Umoja wa Mataifa linaloshughulikia wakimbizi la UNHCR, alikwenda moja kwa moja katika kambi ya Teknaf iliyopo karibu na mpaka wa Myanmar na kuzungumza na baadhi ya Wakimbizi 720,000 wa Kiislam walikimbia mahambulizi kutoka kwa vikosi vya jeshi Agosti 2017.

Katika ziara hiyo Jolie mwenye umri wa miaka 43 hakutangaza ahadi yoyote, lakini Naibu mkuu wa Polisi wa Wilaya ya Ikbal , Hossain ameieleza AFP kuwa Jolie ameahidi kutembelea kambi nyingine zaidi leo, Jumanne.

Kim na Kanye watarajia mtoto wa nne

Kim Kardashian amethibitisha kuwa yeye na mumewe Kanye West wanatarajia kupata mtoto wao wa nne.

Kim ameweka wazi kuhusu wawili hao kutarajia kupata mtoto mwingine wa kiume kupitia kwa mama mbadala (surrogate mother) katika mahojiano na kituo cha Runinga cha Marekani.

Kim na mumewe Kanye tayari wamefanikiwa kupata watoto watatu ambao ni North, Saint na Chicago wenye umri kati ya miaka mitano na mwaka mmoja.  Mtoto Chicago pia alizaliwa na mama mbadala baada ya Kim kutahadharishwa na madaktari wake kuwa iwapo atabeba tena ujauzito huenda akahatarisha maisha yake.

Hata hivyo, familia yake Kim imepokea taarifa hizo kwa mshtuko licha ya kwamba hakuweka wazi lini mtoto huyo anatarajiwa kuzaliwa zaidi ya kusema "hivi karibuni".

Alikiba na Abdulkiba wapata pigo

Msanii Alikiba na ndugu yake Abdukiba wamepata pigo baada ya kufiwa na baba yao mzazi mzee Saleh Kiba aliyekutwa na mauti katika Hospitali ya Taifa ya Muhimbili alipokuwa akipatiwa matibabu.

Taarifa hizi zimethibitishwa na mmoja wa mwanafamilia ya kina Alikiba na kusema kwa sasa msiba upo nyumbani kwao na marehemu anatarajiwa kuzikwa leo, Alhamisi saa 10 za jioni.

 “Ndiyo mzee amefariki na msiba upo nyumbani kwa Mama Alikiba Kariakoo, atazikwa leo saa kumi, kuhusu ugonjwa au chanzo cha kifo hayo ni mambo ya kifamilia siwezi kuyazungumzia” alinukuliwa mmoja wa ndugu wa Alikiba aliyefahamika kwa jina moja Aidan.