Kashfa za ngono zazidi kumharibia R.Kelly Marekani

|
Mwanamuziki Robert Kelly maarufu R. Kelly

Mwanamuziki wa Marekani, Robert Kelly maarufu R. Kelly na mmiliki wa lebo ya Sony wameafikiana kuachana katika uhusiano wao wa kikazi, vyombo vya habari nchini Marekani vimeripoti.

Kupitia tovuti mbalimbali nchini humo zimevinukuu vyanzo tofauti vikidai kuwa wawili hao waliafikiana kuhusu mpango wa uamuzi huo pasipo kutangazwa rasmi.

Taarifa zaidi zinadai kuwa kutengana huko kumekuja kufuatia kashfa ya ngono ya miongo kadhaa iliyomuhusisha mshindi huyo wa Tuzo ya Grammy mwenye miaka 52, shutuma ambazo amekuwa akizikanusha wakati wote.

Shutuma hizo zimechukuliwa na kutengenezewa Makala iliyopewa jina la  ‘Surviving R Kelly’, iliyozinduliwa mapema mwezi huu.

Makala hiyo ina sehemu sita zilizolenga wanawake waliodai kudhalilishwa kingono na mwanamuziki huyo kwa miaka mingi sasa.

Licha ya umaarufu na mafanikio katika kazi zake za muziki wa R & B, R.Kelly 2008 alishtakiwa kwa makosa hayo lakini baadaye alipatikana hana kosa kuachiwa huru. 

Maisha
Maoni