Test
Harry na Meghan waruhusu picha tatu bora katika harusi yao

Maharusi Prince Harry na Meghan ambao walifunga ndoa mwishoni mwa wiki, wameruhusu picha tatu bora walizozichagua wao kama chaguo lao muhimu kwa siku hiyo.

Wawili hao walioana Jumamosi, Mei 19 katika harusi iliyoweka rekodi duniani kwa kuwa harusi ya mfano iliyovunja mipaka ya tamaduni na rangi na mila na tofauti nyingine, katika ujumbe wao ulioambatana na picha hizo wamesema, wanajiona na kujihisi wenye bahati kushiriki na watu takribani 120,000 waliomiminika kwenye mji wa Windsor na mamilioni waliofuatilia siku yao hiyo kuu ulimwenguni.

Picha hizo ambazo zimechaguliwa na wawili, miongoni mwao ni ile inamuonesha Meghan akiwa amekaa katikati ya miguu ya Harry katika kasri la Windsor huku mwana mfalme huyo akiwa na tabasamu kubwa mbele ya Kamera wakati bibi harusi akicheka na mtu mwingine upande wao wa kushoto.

Picha nyingine ni ile iliyomuonesha Malkia akiwa huru na kusahau nafasi yake hiyo kuu akiwa pamoja na mama yake Meghan Doria Ragland, mwenye miaka 62, akiwa amesimama na mwanaye sambamba na sehemu kubwa ya wanafamilia ya Kifalme.

Picha ya mwisho waliyoiruhusu wawili hao ni ile inayowaonesha watoto wa kaka yake Harry, Prince George na dada yake Princess Charlotte wakionesho kufurahia wakati waliojumuika na wasichana na wavula waliosimamia harusi ya Harry na Meghan ambaao wote wakionekana wenye furaha.

Picha za wawili hao zimepigwa na mpigapicha maarufu Alexi Lubomirski, 42, ambaye alikuwa ni mpigapicha wa mama yake  Princess Diana

Familia ya Kifalme yaushukuru ulimwengu kwa harusi ya mjukuu wao

Familia ya Kifalme imeushuru Umma na watu wote waliosafiri hadi Windsor kwa ajili ya kushiriki harusi ya Prince Harry na mkewe Meghan Markle.

Maelfu ya watu yalijipanga kwenye mitaa mbalimbali kwa ajili ya kushuhudia siku hiyo kuu na muhimu ya wawili hao huku wengine wengi wakifuatilia sherehe hizo kupitia runinga duniani kote.

Sherehe za harusi hiyo iliyotikisa ulimwengu na kudaiwa kufuatiliwa na watu wengi zaidi dunia na kuvunja rekodi ya harusi za kifalme zilizowahi kutokea zilimalizika kwa sherehe ya chakula cha usiku kilichokuwa na vazi rasmi la tai nyeusi na kupigwa mafataki karibu na nyumba ya Frogmore karibu na kasri la Windsor.

Katika sherehe hizo marafiki wa karibu takribani 200 wa Meghan na Harry pamoja na familia walihudhuria sherehe hiyo iliyoandaliwa na Prince Charles baba mzazi wa bwana harusi Harry.

Kama zawadi ya harusi Prince Harry alimpatia mkewe pete yenye madini ya thamani ya emerald ambayo ilikuwa ni ya marehemu mama yake, Diana, Princess of Wales.

Katika Ukurasa wa Twitter wa Familia ya Kifalme, familia hiyo iliandika ujumbe wa  kuwashukuru wote waliofuatilia harusi hiyo kutoka Uingereza, nchi za Jumuia ya Madola pamoja na ulimwengu kwa jumla.

Maharusi hao wapya sasa watafahamika kama Duke na Duchess of Sussex  ambapo walitumia usiku wao wa kuamkia leo katika Kasri la Windsor.

Wawili hao wameshaweka wazi kuwa hawatarajii kwenda mapumzikoni kula asili (honeymoon) haraka, badala yake wameamua kubaki nchini Uingereza kabla ya kupumzika.

Nguli wa muziki UK, Elton John kutumbuiza harusi ya Prince Harry

Mwanamuziki nguli na nyota nchini Uingereza, Sir Elton John imeripotiwa kuwa amethibitisha kutumbuiza kwenye harusi ya Prince Harry na Meghan Markle inayotarajiwa kufanyika kesho, Jumamosi. 

Kwa mujibu wa TMZ, mwanamuziki huyo mwenye miaka 71 anatarajiwa kutumbuiza wageni katika kasri la Windsor ingawa bado haijawa wazi iwapo atatumbuiza pia katika sherehe za kanisaniau kwenye hafla iliyoandaliwa baada ya harusi.

Taarifa hiyo imekuja ikiwa imepita miaka takribani 21 tangu atumbuize wimbo wake wa Candle in the Wind kwenye mazishi ya mama mzazi wa Bwana harusi Harry, Princess Diana mwaka 1997 baada ya kufariki duniani kufuatia ajali ya gari.

Katika harusi hiyo maandalizi muhimu yamekamilika, huku wageni takribani 2500 wakitarajiwa kushiriki shughuli hiyo wakiwemo marafiki wa karibu wa Meghan kutoka nchini Marekani na Canada ambao tayari wameshawasili jijini London pamoja na askari na marafiki wa karibu wa Harry .

Kesho ni siku maalum kwa Meghan na Prince Harry

Meghan Markle na Prince Harry leo mapema wameonekana wenye nuru na utulivu wakati wakiondoka kwenye kasri la kifalme la Kensington zikiwa ni dakika zao za mwisho kuwa pamoja kama watu wasioona.

Wawili hao walionekana kuwa wenye tabasamu pana usoni na kupungua umati mkubwa wa watu waliokuwa kwenye maeneo ya barabra ya Windsor Castle ambapo mama mzazi wa nyota huyo Doria anatarajiwa kukutana na Malkia kwa mara ya kwanza.

Hali hiyo imekuja baada ya Meghan kumuomba baba mkwe wake, Prince Charles kumsindikiza kwenye harusi yake baada ya baba yake kujitoa katika dakika za mwisho kuhusu ushiriki wake kwenye ndoa hiyo.

Ingawa inadaiwa kuwa bibi harusi huyo anatarajiwa kuingia mwenyewe katika Kanisa la St George Chapel lililopo Windsor ikiwa ni tukio jingine lisilozoeleka kwenye harusi za kifalme.

Usiku wa kuelekea siku hiyo muhimu, Meghan, Harry na mama mkwe wa Harry, Doria wamefurahi pamoja utaratibu wa kitamaduni kwa kupata chakula ikiwemo Chai, Sandwiches, mikate na Keki wakiwa na Malkia pamoja na wanafamilia wengine wa Kifalme.

Taarifa zilizopatikana kutoka ndani ya kasri la Malkia zinasema, kama ilivyo taratibu za jadi, wawili hao wataagana na bibi harusi mtarajiwa na mama yake wakiwa na marafiki wa karibu wataondoka kwenda katika hoteli watakayolala ya Cliveden House pamoja na mbunifu wa nguo yake na mpambaji.

Harry kwa upande wake atafurahia usiku wa mwisho kama mseja akiwa na msimamizi wake na kaka yake Prince William katika bustani ya Coworth Park, eneo lenye hadhi ya nyota tano na sehemu ambayo alimkisi hadharani mkewe mtarajiwa Meghan. 

Harusi ya Harry na Meghan kuwa ya kitofauti

Maandalizi ya harusi ya Kifalme ya Prince Harry na Meghan Markle imeendelea kuleta msisimko wa kipekee baada ya wawili hao kuvunja mwiko wa harusi za kifalme katika suala la wasimamizi wao.

Katika harusi hiyo, inadaiwa kuwa wasimamizi wa kike na wale wa kiume wengi wao wanatarajiwa kuwa watoto wa marafiki wa karibu wa Prince Harry na Meghan Markle.

Inadaiwa kuwa katika harusi hiyo inayotarajiwa kufanyika kwenye kasri la Windsor itakuwa na hisia isiyozoeleka baada ya wawili hao kuangalia nje ya familia ya kifalme kwa kuruhusu wavulana na wasicahan kumi kusimamia harusi hiyo.

Kati ya hao ni watoto wawili tu ndiyo watakaokuwa wakitoka katika familia ya kifalme ambao ni watoto wa kaka yake Bwana harusi, Princess Charlotte mwenye miaka mitatu na Prince George mwenye miaka minne.

Watoto watatu watakuwa ni wa rafiki yake wa karibu bibi harusi Jessica Mulroney ambao ni mapacha wake Brian na John, wenye miaka saba, na binti yake Ivy mwenye miaka minne siku hiyo ya Jumamosi.

Baba ya watoto hao ni Ben Mulroney, ambaye ni mtoto wa kiume wa aliyewahi kuwa Waziri mkuu wa Canada, Brian Mulroney.

Warembo watoto watakaosindikiza harusi hiyo katika kanisa la St George kwenye viwanja vya kasri hilo ni pamoja na watoto wa ubatizo wa Harry, Zalie Warren mwenye miaka miwili na Florence van Cutsem mwenye miaka mitatu.

Harusi ya Harry na Meghan yazua mjadala Kenya

Mgahawa mmoja jijini Nairobi umezua mjadala katika mitandao ya kijamii nchini Kenya baada ya kutangaza hafla ya kufuatilia harusi ya mwanamfalme wa Uingereza, Prince Harry na Meghan Markle ambapo wanaotaka kushiriki watatakiwa kulipa Shilingi milioni moja sawa na dola 10,000 za Marekani.

Mgahawa huo unaojulikana kwa jina la Windsor Golf Hotel and Country Club umeandaa hafla hiyo kwa ushirikiano na runinga ya binafsi ya KTN na Kampuni inayotangaza masuala ya sherehe za harusi ya Samantha's Bridal.

Cha kushangaza zaidi wale wote watakaohudhuria sherehe hiyo watatakiwa kuvalia mavazi ya harusi na chakula kitakachopikwa siku hiyo kitakuwa kwa mtindo wa Kiingereza.

Sherehe hiyo inayotarajiwa kufanyika saa 5:30 asubuhi hadi saa 11 jioni ambapo watakaohudhuria watatumbuizwa na kufahamishwa kuhusu yatakayokuwa yakiendelea katika harusi hiyo.

Kwa mujibu wa tangazo la hafla hiyo, kwa wale washiriki walio kwenye uchumba watapata ofa ya kusafirishwa kwa helikopta hadi Mlima Kenya ambapo huko wataweza kujionea jua likichomoza kileleni na kupata kifungua kinywa huko.

Hata hivyo tangazo hilo halijaweka wazi iwapo ni wote watakaopata ofa hiyo ama la.

Baadhi ya Wakenya mtandaoni wameshangazwa na tangazo hilo na kuhoji inawezekanaje mtu akatumia dola 10,000 milioni  'kutazama sherehe kupitia runinga' ilhali fedha hizo zingeweza kugharimia safari ya kwenda hadi Kasri la Windsor na kushuhudia harusi hiyo moja kwa moja.?

Elizabeth Michael sasa kutumikia kifungo cha nje

Elizabeth Michael maarufu Lulu aliyekuwa akitumikia kifungo cha miaka miwili jela kwa kosa la kuua bila kukusudia ameachiwa na kutoka katika gereza la Segerea jijini Dar es Salaam ambapo sasa anatumikia kifungo cha nje kwa amri ya Mahakama Kuu.

Uamuzi huo umetangazwa na Mkuu wa Magereza Mkoa wa Dar es Salaam, Naibu Kamishana wa Magereza Augustino Mboje.

Akizungumza na Azam TV, Naibu Kamishna huyo amesema, Elizabeth maarufu kama Lulu ni miongoni mwa wafungwa 3,319 ambao walipatiwa msamaha wa Rais, Aprili 26 wakati wa maadhimisho ya sherehe za Muungano ambapo kwa upande wake, alipata msamaha wa 1/6.

Lulu ambaye alihukumiwa kifungo cha miaka miwili kwa kosa la kumuua bila kukusudia  aliyekuwa mpenzi wake na mwigizaji wa filamu za kibongo, Steven Kanumba alitakiwa kutoka mwakani lakini kufuatia msamaha huo,  Naibu kamishna huyo amesema, alipaswa kumaliza kifungo chake hicho mwezi Novemba mwaka huu.

Naibu Kamishna huyo amethibitisha kuwa Lulu alitoka gerezani tangu Jumamosi ya Mei 12, na kwamba kwa sasa atatumikia kifungo mbadala kinachojulikana kama  Huduma ya Jamii.