Test
Kashfa ya udhalilisha wa Kingono yamfikisha R.Kelly Polisi

Mwanamuziki Robert Kelly hatimaye amefunguliwa mashtakiwa 10 yanayo muhusisha na makosa ya unyanyasaji wa kijinsia uliosababishwa na uhalifu wa kingono huku makosa tisa kati ya hayo yakidaiwa kuhusisha watoto.

Mwanamuziki huyo nyota wa nyimbo za R&B, ambaye jina lake halisi ni  Robert Sylvester Kelly, amekuwa katika kashfa ya madai ya kudhalilisha kijinsia wanawake na wasichana wadogo kwa miongo kadhaa sasa.

Alishawahi kushtakiwa lakini alikanusha madai yote yaliyoelekezwa kwake kwa madai hayakuwa na ukweli wowote.

Nyaraka za kuamuru kukamatwa kwake zilitolewa mwishoni mwa Juma, siku ya Ijumaa ambapo mara baada ya kupata taarifa hiyo R. Kelly mwenye miaka 52 alijisalimisha mwenye Polisi jijini Chicago.  Mwanasheria wake amesema mwanamuziki huyo kwa sasa amekuwa "kwenye mashaka makubwa".

Steve Greenberg amelieleza Shirika la Habari la Associated Press kuwa mteja wake amekuwa  "mwenye mawazo na shinikizo kubwa" kutokana na mashtaka hayo na kusisitiza kuwa hana hatia.

Tukio hilo limekuja ikiwa zimepita juma kadhaa tangu kutolewa kwa Makala ya mfululizo iliyohusisha simulizi za waathirika wa matendo ya unyanyasaji wa kijinsia waliofanyiwa na nyota huyo iliyoitwa ‘Surviving R Kelly .

Mtoto wa Bollywood aliyeshinda tuzo ya mwigizaji bora wa SZIFF

Ni Myra Vishwakarma mtoto wa miaka sita, aliyezaliwa Novemba 17, 2012 huko Noida, Uttar Pradesh nchini India ambaye kwa sasa ni nyota mtoto wa filamu nchini humo.

Alianza safari yake ya kuingia kwenye sekta ya filamu ndani ya Bollywood mwaka jana huku filamu yake ya ‘Pihu‘ ikipokelewa vizuri na kutikisa anga za kimataifa Tanzania ikiwemo.

Myra baada ya filamu yake hiyo iliyompa umaarufu ndani ya muda mfupi, ni mtoto mwenye mwonekano wa kuvutia na akili nyingi na kutokana na kuitendea vema filamu yake hiyo, amejikuta akipewa jina la utani la Pihu.

Myra Vishwakarma aka Pihu katika Tuzo za Kimataifa za Sinema Zetu zilizoratibiwa Azam TV kupitia Chaneli yake ya Chaneli yake ya Sinema Zetu ameibuka mshindi katika kundi la waigizaji Bora wanawake kwa filamu za Nje, pamoja na Filamu ya PIHU kuibuka Filamu Bora.

Inadaiwa kuwa Myra aliibuliwa na mwongozaji wa Filamu Ditya Bhande katika moja ya filamu aliyoicheza wakati huo akiwa na miaka miwili (2).

Polisi Chicago wamshikilia mwigizaji maarufu Marekani

Mwigizaji nyota wa Marekani, Jussie Smollett amekamatwa mjini Chicago baada ya kudaiwa kujaza ripoti ya uongo Polisi.

Kwa mujibu wa jarida la The Empire star,mwigizaji huyo alidai kushambuliwa kimwili na wanaume wawili wabaguzi wa rangi mwezi Januari.

Polisi wamesema, walimshuku mwigizaji huyo mwenye umri wa miaka 36 kuwa aliwalipa ndugu wawili raia wa Nigerian kuigiza kuwa ameshambuliwa. Na wote wawili wanashikiliwa kwa ajili ya kushiriki kwa ajili ya uchunguzi, kwa mujibu wa taarifa za vyombo vya habari vya Marekani.

Wakili wake mpaka sasa hajasema chochote. Jana Jumatano, walisema, huenda  "alitumia nguvu zaidi kujilinda".

Mashaka hayo ya polisi kuhusu madai ya mwigizaji huyo yalianza kuongezeka baada ua Polisi kudai hakuweza kuona mkanda wowote wa video za usalama barabarani unaoonyesha madai ya tukio hilo. Sambamba na kutokuwepo kwa mashahidi.

Lakini hata hivyo uchunguzi umefanikiwa kuwaona wanaume wawili wakijitokeza karibu na kamera ambapo mwigizaji huyo alidai shambulio hilo limetokea.

Polisi wachunguzi madai ya kutolewa agizo la kupigwa risasi 50 Cent

Polisi jijini New York limesema linafanyia uchunguzi madai ya kuwa afisa wake wa juu alitoa maelekezo kwa timu yake ‘ kupigwa risasi"  mwanamuziki wa kufoka foka nchini Marekani 50 Cent.

Inadaiwa kuwa madai hayo yalitolewa na Naibu Inspekta wa Polisi, Emanuel Gonzalez mwezi Juni mwaka jana wakati wa kujipanga kwa ajili kuimarisha ulinzi katika pambano la ngumi ambalo mwanamuziki huyo nyota alitarajiwa kuhudhuria.

50 Cent mwenyewe jana Jumapili alisema, alichukulia tishio hilo kwa "umakini mkubwa" na ameshawasiliana na mawakili wake.

Idara ya Polisi jijini New York ikizungumza na kituo cha Redio 1 katika kipindi chake maarufu cha Newsbeat kuhusu suala hilo kimesema "kinafanya uchunguzi wa ndani kuhusu suala hilo".

Mwanamuziki GODZILLA afariki dunia ghafla

Mwanamuziki maarufu wa muziki wa Hip Hop, Golden Mbunda maarufu Godzilla amefariki dunia ghafla usiku wa kuamkia leo Jumatano, Februari 13 nyumbani kwao Salasala jijiji Dar es Salaam.

Mwili wa marehemu umehifadhiwa katika Hospitali ya Jeshi ya Lugalo, jijini Dar es Salaam.

Baraza la Sanaa Tanzania (BASATA) pia limeonesha kuguswa na kifo cha msanii huyo, ambapo kupitia katika ukurasa wa Istagram wa baraza hilo, limeandika,

Mwanamuziki huyo alizaliwa Januari 5, 1988 mkoani Morogoro na alivuma zaidi katika tasnia ya muziki kupitia wimbo wake wa 'Salasala', ambao pia ulitambulisha mtaa wake aliokuwa akiishi

Wanawake wang'ara tuzo za 61 za Grammy Marekani

Wanamuziki Dua Lipa won na mwenzake Kacey Musgraves wamejishindia tuzo za muziki wa 61 za Grammy kwa upande wa wanawake, zilizofanyika usiku wa kuamkia leo, Jumatatu huko Marekani.

Dua Lipa amechukua tuzo hiyo kama mwanamuziki mpya katika tuzo hizo huku Kacey akichukua tuoz ya albamu bora ya mwaka na ya kwanza kwa upande wa wanawake.

Musgraves mbali na kushinda tuzo ya albamu bora, pia ameshinda jumla ya tuzo Nne katika saa za dhahabu.

Akipokea tuzo hizo Musgraves amesema ameitunuku tuzo hiyo kwa "mume wake kipenzi" ambaye walipenda wakati akirekodi albamu hiyo.

Kwa upande wake Dua amesema alikuwa na "hofu na furaha "  wakati akipokea tuzo hiyo katika usiku huo wa tuzo bora na kubwa kabisa kupokea.

Mwanamuziki huyo mwenye miaka 23 alitoa heshima pia kwa wanawake wasanii ambao wengi wao waliokwishapitia ambapo alisema: " Nafikiri kwa mwaka huu tumeongezeka."

Kauli hiyo imepokelewa kama kuunga mkono matamshi ya Rais wa tuzo hizo za Grammy, Neil Portnow, ambaye mwaka jana alijaribu kufafanua kuhusu ukosoaji wa kuwa tuzo hizo zimekosa washindi wanawake ambaye alisema, wanawake wanahitaji  " kujiongeza kwa ajili ya kuchukuliwa kwa uzito.

Wakati huo huo, mke Rais mstaafu wa Marekani, Michelle Obama alijitokeza katika mkusanyiko huo kwa kushtukiza akiwa amefuatana na wanamuziki nyota  akiwemo Lady Gaga, Jada Pinkett-Smith, Jennifer Lopez na  Alicia Keys na kutoa hotuba iliyobeba ujumbe murua kwa wahudhuriaji wa sherehe za tuzo hizo.

"Haijalishi tunapenda nini, uwe unapenda muziki wa country au rap au rock, muziki hutusaidia kuunganisha hisia zetu wenyewe , uchungu wetu, heshima yetu, matumaini yetu na hata furaha  zetu," ilinukuliwa sehemu ya hotuba yake hiyo ambapo alisema. "Muziki unaturuhusu kusikiliza wenyewe kwa wenyewe, na kualikana kila mmoja wetu." 

Ujumbe wa R. Kelly kuhusu ziara yake ya muziki waamsha hasira

Tangazo la mwanamuziki R Kelly la kuanza ziara ya maonesho ya muziki katika nchi za Australia, New Zealand na Sri Lanka, limekosolewa kila kona kutokana madai ya yanayomkabili mwanamuziki huyo kuhusu udhalilishaji wa kingono.

Mwanamuziki huyo nyota wa Marekani aliyevuma kwa mtindo wake wa muziki wa  R&B alitumia kurasa zake za mitandao ya kijamii ya Twitter, Facebook na Instagram kwa kuposti ratiba ya ziara yake hiyo ambayo hata hivyo baada ya hapo aliifuta.

Mpango huo wa ziara ya mwanamuziki huenda ukakumbana na vikwazo kufuatia Makala iliyoelezea madai ya kashfa ya ngono inayomuandama mwanamuziki huo kwa miongo kadhaa.

Wanasiasa wa ndani wametoa wito wa kuzuiwa kuingia nchini Australia.

Jana Jumanne, mshindi huyo wa tuzo ya Grammy mwenye miaka 52 alitwiti kwa kuandika "NEW TOUR ALERT", bila kutoa tarehe za matamasha hayo na wapi. Hata hivyo ujumbe huo ulipokelewa kwa hasira dhidi ya mwanamuziki huyo na wengi wa waliojibu walisema hakaribishwi kwenye nchi hizo.