Mrembo wa El Salvador atembelea vivutio vya utalii nchini

|
Watalii wakiwa mbugani (Maktaba)

Mwanamitindo maarufu nchini Marekani ambaye pia ni mrembo wa El Salvador mwaka 2018,  Marisela De Montecristo amewasili nchini kwa shughuli za utalii akilenga kutembelea vivutio kadhaa vya utalii.

Mrembo huyo ambaye ameambatana na mchumba wake pamoja na mama yake walipokewa katika Uwanja wa Ndege wa Kimataifa wa KIA na Mkuu wa Mkoa wa Kilimanjaro, Anna Mghwira.

Watalii hao wanatarajia kutembelea Hifadhi ya Taifa ya Tarangile na Mamlaka ya Hifadhi ya Ngorongoro kabla ya kwenda visiwani Zanzibar.

Hii ni mara ya kwanza kwa mrembo huyo kuzuru Afrika na amejitolea kuwa Balozi wa Tanzania katika masuala ya utalii ambapo Mkuu wa Mkoa wa Kilimanjaro amesema ugeni huo ni hatua mojawapo inayoleta heshima kwa Tanzania.

Utalii
Maoni