Latest News
Mugabe amzawadia shemeji yake wa kike zawadi ya dola 60,000

Rais wa Zimbabwe Robert Mugabe amemzawadia shemeji yake wa kike zawadi ya dola za kimarekani  60,000 kama zawadi ya kuzaliwa, kwa mujibu wa gazeti la serikali la Herald.

Taarifa zinasema kuwa, zawadi hiyo ilitolewa kama shukrani pia kwa Junior Gumbochuma, ambaye ni dada mkubwa wa mke wa rais huyo kwaajili ya kumsaidia kulea watoto wake.

Kwa mujibu wa gazeti hilo la Herald, rais alitumia nafasi hiyo ya sherehe za kuzaliwa shemeji yake huyo ambaye ni mchungaji kukosoa mahubiri ya kanisa la Pentecostal alilodai linawaibia waumini wao fedha kwa kutengeneza miujiza, kanisa ambalo shemeji yake huyo anachunga.

Wakati akitoa zawadi hiyo, wadadisi wa mambo wanasema uchumi wa Zimbabwe kwa sasa uko mahututi huku nchi hiyo ikishuhudia upungufu wa fedha kwa kiwango kikubwa hususani noti za dola ambazo zimekuwa zikitumika kama fedha halali za nchi hiyo, huku kwa sasa ikibakia sarafu moja tu inayozunguka nchini humo.

Latest News
Nelson Mandela 'shujaa' anayeendelea kukumbukwa duniani

Miongoni mwa majina makubwa ambayo kamwe hayatasagaulika duniani ni jina la mwanaharakati, mpigania uhuru, mwana ukombozi na mwana siasa mkongwe Hayati Rolihlahla Nelson Mandela.

Rolihlahla Mandela alizaliwa Julai 18, 1918 kwenye ukoo wa Madiba katika Kijiji cha Mvezo, Transkei. Nonqaphi Nosekeni na Nkosi Mphakanyiswa Gadla Mandela ni wazazi wa Nelson.

Mandela alisoma katika Shule ya Msingi ya Qunu ambapo mwalimu wake Mdingane alimpa jina la Nelson Mandela.

Baada ya elimu ya awali Mandela aliendelea na masomo ya Shahada yake ya kwanza ya Sanaa katika Chuo cha ‘Fort Hare.’

Katika maisha yake kiongozi huyo shujaa alipitia hatua mbalimbali wakati wa serikali ya Mandela ikiwemo kushiriki migomo ya wanafunzi na baadaye kufukuzwa chuo.

Harakati zake hizo za kupinga ubaguzi wa rangi zilipelekea mwaka 1944 ajiunge na Chama cha ANC na kuunda Umoja wa Vijana wa chama hicho (ANCYL).

Katika maisha yake ya ndoa na familia, Mandela alifanikiwa kumuoa mkewe wa kwanza Evelyn Mase  ambaye alikuwa ndugu yake na rafiki na mpigania uhuru mwenzake Walter Sisulu na kufanikiwa kupata watoto watatu, Madiba Thembekile, Makgatho na Makaziwe.

Mandela na mke wake Evelyn waliachana mwaka 1958.

Machi 21, 1960 katika mapambano ya kupinga Serikali ya kibaguzi chini ya Utawala wa Kikaburu, Polisi waliua watu 69 wasio na hatia kwenye mgomo wa Sharpville na kusababisha kutangazwa kwa hali ya hatari nchini humo.

Aprili nane, Vyama vya ANC na PAC vilipigwa marufuku huku Hayati Mandela na wenzake walikamatwa na kushtakiwa kwa uhalifu.

Mandela alifunga ndoa nyingine na Winnie Madikizela. Wawili hao walifanikiwa kupata watoto wawili Zenani na Zindziswa.

Januari 11 mwaka 1962, mwanaharakati huyo aliondoka nchini kwake kwa siri na kuelekea nchi mbalimbali za Afrika Tanzania ikiwemo na Uingereza kwa lengo la kupata uungwaji mkono wa mapambano dhidi ya ubaguzi wa rangi waliokuwa wakifanyiwa.

Alipokea mafunzo ya kijeshi nchini Morocco na Ethiopia na kurejea nchini Afrika kusini Julai mwaka huo. Alikamatwa na polisi Agosti 5 na kufikishwa Kwa rais wa chama cha ANC, Albert Luthuli ili amuelezee kuhusu safari yake.

Mandela alishtakiwa kwa kuondoka nchi hiyo bila kibali na kuhamasisha wafanyakazi kugoma na kufungwa miaka mitano jela.

Hata baada ya kufungwa miaka mitano, Mandela alifungwa tena miaka 27 jela kwenye visiwa vya Robben, nakuhamishiwa jela la Pollsmoor na Victor Verster kwa makosa ya kusababisha mapinduzi nchini.

Kutokana na shinikizo la ndani na la kimataifa huku pia akihofia vita vya ubaguzi wa rangi rais de Klerk alimuachia Mandela.

Mapambano yake ya kuleta uhuru nchini kwake yalizaa matunda na kumpelekea kuwa rais wa nchini hiyo. Mandela aliapishwa kuwa rais wa Afrika Kusini Mei 10, 1994.

Akiwa anasherehekea miaka 80 ya kuzaliwa, rais Mandela alifunga ndoa na mke wake wa tatu, Gracia Machel mwaka 1998.

Mandela mara baada ya kumaliza awamu yake ya kwanza ya urais mwaka 1999 aliamua alistaafu na kuendelea kutumikia mfuko wake uitwao ‘Nelson Mandela Children’s Fund’ ambao ulianzishwa mwaka 1995.

Pia Nelson Mandela alianzisha Taasisi mbili zilizoitwa ‘Nelson Mandela Foundation’ na ‘The Mandela Rhodes Foundation’

Na tarehe 5 Desemba mwaka 2013, Afrika Kusini na dunia kwa jumla ilimpoteza mtu wa muhimu mno Nelson Mandela.

Nelson Mandela aliaga dunia baada ya kuugua kwa muda mrefu.

Katika mazishi yake, dunia ilizizima kufuatia wageni kutoka pande zote za dunia kumiminika nchini humo.

Latest News
Michele Obama mwanasheria aliyekuja kuwa mke wa rais wa Marekani

Michelle Obama ni mwanasheria wa Marekani, mwandishi na ni mke wa aliyekuwa rais wa kwanza mweusi nchini Marekani. 

Michelle Obama alizaliwa Januari 17 mwaka 1964, mjini Chicago kwenye familia ya Fraser Robinson na Marian. Alikuwa na kaka mkubwa, Craig.

Familia hiyo iliishi kwa ukaribu sana, walikuwa wanafanya kila kitu kwa umoja kama kula, kusoma na kucheza pamoja.

Mwanasheria huyo alisoma chuo cha Princeton, alihitimu mwaka 1985 na aliendelea na masoma yake ya sheria katika chuo cha Havard mwaka 1988.  Baada ya kuhitimu alifanya kazi kwenye ofisi ya Chicago law firm.

Michelle alifanya kazi kama mshirika katika tawi la Chicago kwenye kampuni ya masuala ya sheria ya Sidley Austin, katika kitengo cha masoko na mali.

Mwaka 1989 alikutana na Barack Obama, ambaye Michelle alikuwa msimamizi wake katika kazi. Wawili hao walipendana na kuanza uhusiano.

Baada ya miaka miwili ya uhusiano wao, Barack alifunga ndoa na Michelle katika kanisa la ‘Trinity United Church of Christ’ oktoba 3, mwaka 1992.

Malia ndiye binti wa kwanza wa wanandoa hao, aliyezaliwa mwaka 1998 na mwaka 2001 walifanikiwa kupata binti mwingine aitwaye, Sasha.

Mwanamama huyo aliacha sheria ya Ushirika, mwaka 1991 na kuendelea kufanya kazi kama msaidizi wa Meya, Richard Daley katika kutoa huduma kwa Umma.

Alijiunga na chuo Kikuu cha Chicago kama msaidizi wa kutoa huduma kwa wanafunzi, huku akiendeleza progamu yake ya kwanza ya huduma kwa jamii.

Mei 2005, Michelle aliteuliwa kuwa Makamu wa rais katika masuala ya jamii na nje kwenye Chuo cha Chicago Medical Center.

Barack Obama alichaguliwa kama Seneta wa Marekani mji wa Illinois, Novemba. Mwaka 2007, Michelle pamoja na mumewe Obama walifanya kampeni za kugombea urais.

Novemba 8, mwaka 2008, Obama alishinda na kuwa rais wa 44 wa nchi ya Marekani. Aliapishwa Januari 20, mwaka 2009.

Obama alishinda urais wa awamu ya pili mwaka 2012 akiwa amesaidiwa na mkewe Michelle katika kampeni za urais.

Michelle alitoa kitabu kama sehemu ya lengo lake la kukuza afya ya chakula. Kitabu hicho kimepewa jina la “American Grown: The Story of the White House Kitchen Garden and Gardens Across America (2012)”.

Michelle alichunguza uzoefu wake wa kutengeneza bustani ya mboga za majani pamoja na bustani za jamii mahali pengine.

Aliiambia Reuters kwamba anaona kitabu hicho kama fursa ya kuwasaidia wasomaji kuelewa "wapi chakula chao kinatoka" na "kuzungumza juu ya kazi tunayofanya kuhusu ubwenyenye wa watoto na afya zao.

Baada ya kumaliza kipindi chake cha pili kama rais, Michelle na Obama waligundua kuwa kuhama kutoka Chicago na kwenda Washington D.C. itasaida familia yao.

Wazazi hao wawili wanataka kuwalinda watoto wao na kuwalewa katika mazingira ya kawaida, kwasababu walizoea kuishi maisha ya kulindwa.

Latest News
Bill Gate tajiri aliyekatisha shule kufuata ndoto zake

Kwa kawaida watu wengi duniani wanaimani kwamba mtu anapoacha shule basi maisha yake ndiyo yanakuwa yameharibika.

Lakini Imani hiyo inaonekana siyo sahihi pale unapomzungumzia tajiri maarufu duniani Bill Gates.

Tajiri huyu aliyezaliwa Oktoba 28 mwaka 1955 katika familia ya William Henry Gates III na Mary Maxwell, Seattle Washington. Bill Gates alilelewa katika familia yenye uwezo wa kiasi pamoja na dada zake wawili; Kristianne ambaye ni mkubwa kwake na mdogo wake Libby.

Familia ya Gates ilikuwa inaishi kwa ukarimu na ukaribu zaidi, watoto wote watatu walihimizwa kuwa watu wa ushindani na wenye kupigania kilicho bora.

Bill alionyesha dalili za mwanzo kuwa na ushindani wakati akiratibu michezo ya kukimbia ya kifamilia katika majira ya kiangazi.

Akiwa na umri wa miaka kati ya 11 au 12, wazazi wake Bill walianza kuwa na wasiwasi juu ya tabia yake. Alikuwa akifanya vizuri shuleni, lakini alionekana kuchoka na kuacha mara kwa mara kitendo kilichowatia hofu wazazi wake.

Wazazi wake walikuwa wanaimani kubwa kwenye elimu ya Umma, Bill alipokuwa na umri wa miaka kumi na tatu, wazazi wake walimuandikisha katika Shule ya Lakeside, Seattle na katika shule hiyo Bill Gate alifaulu takribani masomo yote yakiwemo Hesabu, sayansi, uigizaji na kiingereza.

Tajiri huyo alikutana na Paul Allen katika Shule ya Lakeside, ambaye alikuwa amempita Bill kiumri kwa miaka miwili.  Wawili hao wakaanza urafiki wa haraka na pia wote walijikuta ni wenye shauku juu ya masuala ya tarakinishi (computer)

Mwaka 1970, Bill akiwa na umri wa miaka kumi na tano alianzisha biashara na rafiki yake, Paul Allen. Walizindua “Traf-o-Data,” progamu ya tarakinishi (computer) inayohusu uangalizi wa trafiki huko Seattle, walifanikiwa kupata Dola za Marekani 20,000 kwa jitihada zao.

Gates alitaka kuanzisha kampuni yake ila wazazi wake walimtaka amalize shule na kwenda chuo ambapo walitumai ya kuwa atakuja kufanya kazi kama mwanasheria, alijiunga na chuo cha Havard akiwa anasomea sheria.

Mtaalamu huyo wa ‘Microsoft’ alikuwa bado anawasiliana na rafiki yake Paul Allen, ambaye alisoma Chuo kikuu cha Washington kwa miaka miwili, na kuacha shule na kuhamia Boston, Massachusetts na kuanza kazi Honeywell.

Mwaka 1975, Gates na Allen waliunda ushirikiano wao na kuuita “Micro-Soft.”

Mwaka 1976, Bill Gates alianzisha Microsoft na kuingia mkataba na MITS (Micro Instrumentation and Telemetry Systems) Microsoft walifanya kazi kwa bidii  ya kuuza mfumo wa uendeshaji katika kampuni nyingine. Hatimaye ‘Microsoft’ walipata nafasi ya utengenezaji wa progamu.

Bill Gates alimuoa Melinda Ann French mwaka 1994 na walifanikiwa kupata watoto watatu ambao ni Jennifer (1996), Rory (1999) na Phoebe (2002)

Katika harakati zao za kimaisha Bill Gates na mke wake Melinda Gates walianzisha Taasisi inayoitwa “Bill&Melinda Foundation”

Gates alipata msaada kutoka kwa mwekezaji, Warren Buffet ambae alichangia Dola bilioni 17 kupitia taasisi hiyo.

Inakadiriwa kwamba taasisi ya Gates na mkewe Melinda imechangia msaada wa Dola za kimarekani bilioni 28 ikiwemo Dola bilioni nane ili kuboresha afya za watu mbalimbali ulimwenguni.

Katika mahojiano yake na gazeti la Daily Telegraph, Gates alisema licha ya kuwa na fedha nyingi ataiachia familia yake asilimia ndogo ya utajiri  wake  huku fedha nyingine akizitoa kwa watu wengine.

 

WABUNIFU WA MAVAZI NA WANAMITINDO KUIWAKILISHA TANZANIA KWENYE SOUTH AFRIKA FASHION WEEK
Wabunifu watatu, Doreen Estazia Noni anayetumiaLebo ya eskado bird, Jamila Vera Swai na Evelyne Rugemalira wamepata nafasi ya kuchaguliwa kwenda kwenye maonyesho ya mitindo yajulikanayo kama South Africa Fashion Week nchini Afrika kusini kupitia kampuni ya Millen Magese Group company Limited.
Wabunifu  hao watapanda jukwaani siku ya Aprili Mosi katika onyesho linalobeba jina la Tanzania International Fashion Exposé (TIFEX) by Millen Magese introducing Eskado Bird, Jamila Vera Swai and Evelyne Rugemalira. Millen alipata fursa ya kutembelea wabunifu hao na kujionea jinsi walivyokuwa wabunifu katika fani hiyo na kuhamasika kuwachukua na kushiriki katika maonyesho hayo maarufu ya mitindo katika bara la Afrika.
Alisema kuwa amevutiwa sana na jinsi walivyokuwa wabunifu na hivyo kuhamasika kuwapa nafasi hiyo ya kujitangaza kimataifa kwa mara ya kwanza katika historia ya Tanzania kupitia mradi huu anbao pia dhumuni lake kutangaza vivutio vya utalii wa Tanzania kimataifa. Alifafanua kuwa mpango huu pia una lengo la kuitangaza Tanzania kupitia fani ya mitindo dunia nzima kama New York fashion week, London Fashion Week, Lagos Fashion week na Milan Fashion week.
Alisema kuwa hayo yanawezekana kutokana na uzoefu wake wa miaka nane katika fani ya mitindo na mahusiano mazuri kati yake wadau wa mitindo. Mbali ya wabunifu hao, Millen pia amewapa nafasi wanamitindo watatu, Anastazia Gura (21) na mapacha, Victoria Casmir (20) na Victor Casmir kuonyesha mitindo katika maonyesho hayo ya Afrika Kusini.
Wanamitindo hao wamepata nafasi hiyo baada ya kuwashinda wengine 486 waliofika katika usaili uliofanyika kwenye hotel ya Serena chini ya majaji, Mustapha Hassanali, Ritha Poulsen na mwanamitindo maarufu Aminat Ayinde kutoka kampuni ya America  Next top model cycle 12.
Mbali ya wanamitindo hao Millen pia ameingia mkataba wa kufanya kazi na mwanamitindo wa kiume, Benard Chizi ambaye pia alishinda katika usaili huo na pia ataungana na wenzake kwenda Afrika Kusini. Millen pia alionyesha kusikitishwa na wanamitindo maarufu ambao walikuwa wanawasiliana naye akiwa Afrika Kusini kutaka kusaidiwa kufika hatua za kimataifa. Alisema kuwa cha kushangaza, wanamitindo hao, hawajajitokeza katika usaili huo na kumsononesha sana.
“Hii inaonyesha jinsi gani wanamitindo hao hawajiamini, usaili wangu ulikuwa fursa pekee ya wao kuonyesha vipaji vyao kimataifa, hata hivyo hawakufika, nawapongeza waliofika kwani wameonyesha kuwa wanania na ninaamini watafanya vyema huko Afrika Kusini,” alisema.