Celine Dion: Kutoka bendi ya familia hadi kufikia milionea

|
Celine Dion maisha baada ya kufiwa na mumewe Renee

Ni Celine Dion aliyezaliwa Machi 30, mwaka 1968 huko katika mji wa Charlemagne Quecbec nchini Canada, akiwa mtoto wa kumi na nne kuzaliwa katika familia ya Adhemar na Therese Dion.

Alilelewa katika familia ya muziki na wazazi wake waliunda kundi la muziki lililoitwa “Dion’s Family”

Celine akiwa na miaka kumi na miwili alirekodi kipande cha wimbo aliouandika pamoja na mama yake na kumpelekea meneja na mtayarishaji, Rene Angelil, ambaye baada ya kuusikiliza  alimkaribisha Dion kuimba mbele yake na bila kuchelewa  Angelil alimsainisha Celine mara moja kwa sharti kwamba atamsimamia binti huyo mwenye kipaji katika safari yake ya muziki.

Meneja huyo baada ya makubaliano hayo, aliweka rehani nyumba yake ili aweze kufadhili albamu yake ya kwanza iliyoitwa La Voix du bon Dieu (Sauti ya Mungu).

Nyota huyo alipokuwa na miaka kumi na minane alikuwa amekwisha rekodi albamu tisa kwa lugha ya Kifaransa na kushinda tuzo nyingi za Felix na Juno  ( sawa na tuzo ya Grammy, nchini Canada).

Mwaka 1998 Dion alishinda mashindano ya Eurovision huko Dublin, Ireland, Mashariki ya Kati, Australia na Japan.

Mwaka 1990 Dion alirekodi albamu yake ya kwanza na Kampuni ya Unison kwa lugha ya Kiingereza. Albamu hiyo iliuza nakala zaidi ya milioni moja duniani kote.

 Mafanikio halisi ya Dion katika ustadi wa muziki wa pop yalikuja mwaka 1992, wakati aliandika mandhari ya Disney katika filamu ya “Beauty and the Beast” na Peabo Bryson. Wimbo ("Beauty and the Beast") ulishika namba 9 kwenye “Billboard Hot 100” na kushinda Tuzo za Grammy na Academy. Alitumia nyimbo hiyo katika albamu yake ya pili ya lugha ya Kiingereza, Celine Dion, ambayo ilikuwa rekodi yake ya dhahabu ya kwanza nchini Marekani na kuuza nakala zaidi ya milioni 12 kimataifa.

Mwaka 1994, Dion alifunga pingu za maisha na Angelil ambaye alimzidi miaka ishirini na sita.

Kabla ya kuwa na uhusiano uliozaa ndoa, Angelil  alikuwa na mke ambaye ni wa pili lakini walitalikiana katika miaka ya 1980.

Ndoa ya wawili hao ilifungwa katika mji wa Montreal’s Notre Dame Basilica katika sherehe iliyo sheherekewa nchi nzima ya Canada.

Mwishoni mwa mwaka 1998, Celine Dion alishinda tuzo sita katika tuzo za muziki za Billboard, ikiwemo ya mwanamuziki bora wa mwaka na albamu ya mwaka “Let’s Talk About Love”

Katika miezi ya mwanzoni mwa mwaka 2000, Dion alitangaza kwamba anasitisha shughuli za kimuziki na kuamua kuiangalia kwa karibu familia yake.

 Yeye na Angelil walikuwa wakijaribu kupata watoto kwa miaka mingi, na hatimaye waliamua kutumia njia ya kupandikiza. Mnamo Mei 2000, Dion alifanyiwa upasuaji mdogo katika kliniki ya uzazi katika mji wa New York ili kuimarisha uwezekano wa kupata ujauzito.

Hatimaye jitihada zake zilizaa matunda na mnamo tarehe 25 Januari 2001, Dion alipata mtoto wa kiume aliyepewa jina la Rene-Charles.

Katika mahojiano baada ya kumpata mtoto wake wa kwanza, Dion alitoa siri ya kuhifadhi yai jingine katika kliniki ya uzazi na alitamani siku moja kumpatia mwanae huyo ndugu yake.

Mnamo Oktoba 23, 2010, akiwa na umri wa miaka 42, Dion alizaa wajifungua watoto mapacha wa kiume.

 Hata hivyo  muda wote wa mapenzi ya wawili hao, ulikuwa na  tamu na chungu kwani mnamo mwaka 1999 Angelil  aligundulika kuwa na saratani ya ngozi uliomtesa kwa miaka mingi.

Baada ya mapumziko ya miaka miwili, nyota huyo alirejea na wimbo wake “A New Day Has Come,” ambayo ilishika nafasi ya juu zaidi ya nchi kumi na saba.

Gazeti la Forbes liliripoti mwezi Juni 2009 kwamba mwimbaji huyo alipata wastani wa dola milioni 100 mwaka 2008, na kumfanya kuwa mwanamuziki wa pili wa katika orodha ya juu la gazeti, baada ya Madonna.

2014 Agosti, Dion alisitisha maonyesho yake yaliyopangwa kufanyika mwezi Machi mwaka 2015 ili aweze kumuhudumia mume wake aliyekuwa na umri wa miaka  72 aliyekuwa akisumbuliwa na saratani ya koo pamoja na watoto wake.

Tarehe 14 ya mwaka 2016, mume wa Celine, Angelil alifariki dunia akiwa na miaka 73 nyumbani kwake Las Vegas.

Angelil alimuacha mkewe Dion na watoto wake Rene-Charles (14), mapacha Nelson na Eddy (5), na mtoto wake Patrick kutoka katika ndoa yake ya kwanza na Denise Duquette, Anne-Marie pamoja na Jean Pierre kutoka katika ndoa yake ya pili na Anne Renee.

 

Maisha
Maoni