Cristiano Ronald atarajia mtoto mwingine mwezi Oktoba.

|
Cristiano Ronaldo na mpenzi wake Georgina Rodriguez

 

Nyota wa Soka duniani Cristiano Ronaldo ambaye hivi karibuni aliwapokea watoto wake mapacha kutoka kwa mama wa kukodi (surrogate mother) anatarajiwa kuongeza familia hiyo kufuatia mpenzi wake, Georgina Rodriguez kudaiwa kuwa na mimba ya miezi mitano.

Nyota huyo alionekana na mchumba wake huyo mwenye umri wa miaka 23, katika safari ya kifamilia, Ibiza nchini Hispania alhamisi usiku.

Gazeti la “The Sun” linadai kuwa Georgina na Ronaldo wanatarajia kupokea mtoto wao wa kike mwezi Oktoba.

Georgina alimvutia mwananyota huyo katika sherehe ya “Dolce & Gabbana”

Walianza uhusiano wa siri kwa miezi michache kabla hawajatangaza uhusiano wao hadharani.

Wachumba hao walionekana hadharani mwanzoni wa mwaka wakihudhuria tuzo za FIFA za Soka huko Zurich.

Cristiano Ronaldo waliwatambulisha watoto wake mapacha kwa kaka yao mkubwa Cristiano Ronaldo Jr Jumanne katika likizo ya kifamilia.

Nyota huyo mwenye umri wa miaka 32 alipiga picha ya yeye na mtoto wake wa kwanza wa kiume wakiwa wamewashika mapacha hao wanaojulikana kwa majina ya “Mateo na Eva”, na kurusha katika ukurasa wake wa Instragam.

Mwanasoka huyo ambaye alikatishwa tamaa na matokeo ya mashindano ya kombe la mabara yaliyofanyika nchini Urusi, alifarijika baada ya kurudi nyumbani na kuwaona watoto wake hao mapacha kwa mara ya kwanza.

Ronaldo, ambaye amefunga mabao 285 katika michezo 241 ya Real Madrid, hakuweza kukutana na kijana na binti yake kwa sababu za soka lakini hatimaye aliwaona watoto hao kwa mara ya kwanza siku moja baada ya kutolewa katika michuano hiyo.

Maisha
Maoni