Latest News
Spika Ndugai asisitiza CAG kufika Bungeni kujitetea

Spika wa Bunge la Tanzania, Job Ndugai amemsisitiza Mdhibiti na Mkaguzi Mkuu wa Hesabu  za Serikali  kufika mbele ya Kamati ya Bunge ya Maadili kama alivyoagizwa ili kutimiza haki yake ya kujitetea kufuatia kauli aliyoitoa alipokuwa akihojiwa na Idhaa ya Kiswahili ya Umoja wa Mataifa ambapo inadaiwa ni ya kulidhalilisha Bunge kuwa ni dhaifu.

Ndugai amesema hayo jijini Dar es Saalam wakati alipozungumza na waandishi wa habari mara baada ya Kikao chake na Kamati ya Uongozi ya Chama cha Mabunge wanachama wa Jumuiya ya Madola Kanda ya Afrika ambapo amebainisha hawana nia mbaya kufanya hivyo bali ni njia moja ya kuondoa utata  katika suala hilo.

Ni zaidi ya wiki moja sasa  tangu Spika wa Bunge kutoa wito wa kumtaka Mkaguzi na Mdhibiti Mkuu wa Hesabu za Serikali, Profesa Juma ASSAD ili kueleza ni kwa namna gani Bunge lilivyo dhaifu kama  alivyodai wakati akihojiwa  akiwa nje ya nchi.

Katika hatua nyingine Spika Ndugai  ametoa ufafanuzi juu ya  ufanyaji kazi wa Kamati mbili za Bunge za Hesabu za Serikali (PAC) na Kamati ya Hesabu za Serikli za Mitaa (LAAC) ambapo amesema hazijavunjwa  bali wajumbe wake kwa sasa  wameungana na kamati nyingine kuendelea na vikao.

Aidha Spika Ndugai amewataka wananchi pamoja na viongozi mbalimbali nchini kuachana na kauli hasi dhidi ya taifa lao hususani wanapokuwa nje ya Tanzania.

Latest News
Kesi ya kupinga matokeo DR Congo yaendelea

Mahakama ya Katiba nchini Jamhuri ya Kidemokrasia ya Congo inaendelea kusikiliza malalamiko dhidi ya matokeo ya uchaguzi yaliyopingwa ambayo yalimpatia ushindi kiongozi wa upinzani, Felix Tshisekedi.

Mahakama hiyo iliyoanza kusikiliza malalamiko ya Martin Fayulu aliyedaiwa matokeo hayo ya uchaguzi kuwa ni batili imeendelea kusikiliza hoja mbalimbali huku wananchi wa nchi hiyo iliyotawaliwa kwa kipindi kirefu na Rais Joseph Kabila wakisubiria kwa hamu uamuzi huo.

Matokeo ya awali ya uchaguzi yalimpatia Felix Tshisekedi asilimia 38.57 ya kura dhidi ya asilimia 34.8 za Martin Fayulu, Mgombea anayeungwa mkono na Rais Joseph Kabila, Emmanuel Ramazani Shadary alishika nafasi ya tatu kwa kupata asilimia 23.8.

Latest News
Idadi ya waliofariki dunia katika shambulio Dusit D2 wafikia 21

Watu tisa wanashikiliwa na polisi nchini Kenya kufuatia shambulio la kigaidi lililotokea juzi katika Hoteli ya kifahari ya Dusit D2 jijini Nairobi.

Idadi ya watu waliokufa kwenye tukio hilo linalotajwa kuwa la kigaidi wameshafikia watu 21 kwa mujibu wa taarifa ya serikali iliyotolewa kwa vyombo vya habari.

Wanamgambo wote watano waliokuwa ndani ya jengo hilo la kibiashara waliodaiwa  kutekeleza shambulio hilo waliuawa na shughuli inayoendelea sasa ni kwa vyombo vya Usalama kutafuta washirika waliohusika kuwezesha shambulio hilo ambao hawakuwemo ndani ya jengo hilo.

Kikundi cha Kigaidi chenye makazi yake nchini Somalia Al-Shabab kimedai kuhusika na shambulio hilo.

Kwa mujibu wa taarifa iliyotolewa leo, Alhamisi imeelezwa kuwa idadi ya watu waliouwawa katika eneo la Hoteli ya Dusit imepanda baada ya kugunduliwa miili ya watu sita zaidi katika eneo hilo na kifo cha polisi aliyejeruhiwa.

Polisi nchini humo wamesema wana imani kwamba hakuna mtu aliyekwama ndani ya hoteli hiyo na majengo ya karibu katika operesheni ambayo watu 700 waliokolewa.

Ndugu na jamaa wanaendelea kutambua watu waliopoteza maisha kwenye  shambulio hilo huku wengine wakijitokeza kuungana nao katika kuomboleza.

Ulinzi umeendelea kuimarishwa kwenye eneo la tukio huku Wataalam wa mabaki ya mabomu wakiendelea na uchunguzi .

Latest News
Serikali yaanza kushughulikia vikwazo vya mradi wa Liganga na Mchuchuma

Serikali imesema inafanya jitihada za kuondoa sababu zinazokwamisha kuanza kwa mradi wa kimkakati wa uchimbaji na uchakataji wa madini ya chuma na makaa ya mawe yanayopatikana wilayani Ludewa mkoani njombe.

Miongoni mwa sababu zinazofanyiwa kazi ni mikataba baina ya Serikali na wabia pamoja na kukamilisha utolewaji wa fidia kwa wananchi wanaotakiwa kupisha eneo la mradi.

Mradi wa makaa wa mawe pamoja na mradi wa chuma ni miradi pacha na ya kimkakati inayotarajiwa kutekelezwa na Serikali huku mipango yake tayari ikiwa imeshaanza kwa hatua za  awali ikiwa ni pamoja na utolewaji wa leseni kwa wawekezaji .

Akizungumza katika eneo la mradi huo, Naibu waziri wa Madini, Stanslaus Nyongo amesema kinachosubiriwa kwa sasa ni mikakati hiyo ikiwemo suala la mikataba, mvutano wa Tanesco na Liganga sambamba na uwepo wa mvutano kati ya Shirika la Maendeleo la Taifa (NDC) na wawekezaji wachina ukitajwa pia kuwa kikwazo.

Kupitia ziara hiyo ya naibu waziri, wasimamizi wa mradi huo pamoja na mwakilishi kutoka NDC  wamekubaliana kuanza kufanyia kazi baadhi ya sehemu ambazo utekelezaji wake bado haujaanza huku wakielezea baadhi ya maeneo ambayo tayari walishafanyia kazi kuwa yanakwenda vizuri.

Kukamilika kwa mradi wa makaa ya mawe ya Mchuchuma pamoja chuma cha Liganga kunatarajiwa kutoa fursa za ajira kwa zaidi ya watu 10,000.

Spika Ndugai asisitiza CAG kufika Bungeni kujitetea

Spika wa Bunge la Tanzania, Job Ndugai amemsisitiza Mdhibiti na Mkaguzi Mkuu wa Hesabu  za Serikali  kufika mbele ya Kamati ya Bunge ya Maadili kama alivyoagizwa ili kutimiza haki yake ya kujitetea kufuatia kauli aliyoitoa alipokuwa akihojiwa na Idhaa ya Kiswahili ya Umoja wa Mataifa ambapo inadaiwa ni ya kulidhalilisha Bunge kuwa ni dhaifu.

Ndugai amesema hayo jijini Dar es Saalam wakati alipozungumza na waandishi wa habari mara baada ya Kikao chake na Kamati ya Uongozi ya Chama cha Mabunge wanachama wa Jumuiya ya Madola Kanda ya Afrika ambapo amebainisha hawana nia mbaya kufanya hivyo bali ni njia moja ya kuondoa utata  katika suala hilo.

Ni zaidi ya wiki moja sasa  tangu Spika wa Bunge kutoa wito wa kumtaka Mkaguzi na Mdhibiti Mkuu wa Hesabu za Serikali, Profesa Juma ASSAD ili kueleza ni kwa namna gani Bunge lilivyo dhaifu kama  alivyodai wakati akihojiwa  akiwa nje ya nchi.

Katika hatua nyingine Spika Ndugai  ametoa ufafanuzi juu ya  ufanyaji kazi wa Kamati mbili za Bunge za Hesabu za Serikali (PAC) na Kamati ya Hesabu za Serikli za Mitaa (LAAC) ambapo amesema hazijavunjwa  bali wajumbe wake kwa sasa  wameungana na kamati nyingine kuendelea na vikao.

Aidha Spika Ndugai amewataka wananchi pamoja na viongozi mbalimbali nchini kuachana na kauli hasi dhidi ya taifa lao hususani wanapokuwa nje ya Tanzania.

Kesi ya kupinga matokeo DR Congo yaendelea

Mahakama ya Katiba nchini Jamhuri ya Kidemokrasia ya Congo inaendelea kusikiliza malalamiko dhidi ya matokeo ya uchaguzi yaliyopingwa ambayo yalimpatia ushindi kiongozi wa upinzani, Felix Tshisekedi.

Mahakama hiyo iliyoanza kusikiliza malalamiko ya Martin Fayulu aliyedaiwa matokeo hayo ya uchaguzi kuwa ni batili imeendelea kusikiliza hoja mbalimbali huku wananchi wa nchi hiyo iliyotawaliwa kwa kipindi kirefu na Rais Joseph Kabila wakisubiria kwa hamu uamuzi huo.

Matokeo ya awali ya uchaguzi yalimpatia Felix Tshisekedi asilimia 38.57 ya kura dhidi ya asilimia 34.8 za Martin Fayulu, Mgombea anayeungwa mkono na Rais Joseph Kabila, Emmanuel Ramazani Shadary alishika nafasi ya tatu kwa kupata asilimia 23.8.

CAG amaliza malumbano ya mitandaoni

Mdhibiti na Mkaguzi Mkuu wa Hesabu za Serikali (CAG), Profesa Musa Juma Assad, amesema ana nia ya kuitikia wito wa Spika wa Bunge, Job Ndugai kuhusu kuhojiwa na Kamati ya Maadili ya Bunge ifikapo Januari 21.

Akizungumza jijini Dar es Salaam, Mdhibiti na Mkaguzi mkuu huyo wa Hesabu za Serikali, amesema ameona busara kujitokeza hadharani ili kuweka sawa sintofahamu iliyojitokeza katika siku za hivi karibuni kuhusu kauli yake ya kuliita Bunge ni dhaifa.

Profesa Assad ameongeza kuwa, tangu achukue majukumu yake kama CAG, amekuwa na ushirikiano mzuri na Bunge na kwamba bila chombo hicho ofisi yake haiwezi kufikia ufanisi wake unaohitajika katika utendaji wake hususan kupitia ripoti.

CAG amesema, yeye na wakaguzi wenzake pamoja Spika wa Bunge na wenyeviti wa kamati za Bunge kwa ujumla wamekuwa na mahusiano mazuri na yenye tija na muhimu ili kila upande uweze kutekeleza majukumu yake ya kikatiba.

Aidha Profesa Assad amesema, amesikitishwa na hajafurahishwa na mijadala iliyojitokeza ambayo ilihusisha viongozi tofauti wa siasa na wachangiaji wa kawaida  na kusisitiza dhana nzima ya mahusiano mazuri yaliyokuwepo kati ya Ofisi yake na Bunge yaenziwe na kudumishwa.

Tundu Lissu atangaza nia ya kuwania urais 2020

Mwanasiasa na Mbunge wa Singida Mashariki kwa tiketi ya CHADEMA, Tundu Lissu ametangaza nia ya kutaka kuwania urais nchini mwakani iwapo chama chake kitaridhia.

Tundu Lissu ambaye kwa sasa anatibiwa nchini Ubelgiji baada ya kujeruhiwa kwa risasi mwaka 2017 amesema vikao vya chama ndiyo vitatoa mwelekeo wa nani atasimama mwaka 2020.

Amesema hayo wakati akizungumza na Zuhura Yunus mjini London katika kipindi cha BBC cha HardTalk.