Abiria wa FASTJET wakwama asubuhi, walia na uongozi

|
Mmoja wa abiria waliokuwa wasafiri na Ndege ya Kampuni ya FastJet akizungumza na Azam TV

Zaidi ya abiria 20 waliokuwa wakisafiri leo, Alhamisi asubuhi kutoka Dar es Salaam kwenda Mwanza kwa ndege ya Kampuni ya Fast Jet, wamekwama kwenye Uwanja wa Ndege wa Kimataifa wa Julius Nyeyere wakiwa na tiketi zao mkononi kwa madai kuwa ndege waliyokuwa wasafirie ilikuwa imejaa.

Azam Tv ilishuhudia abiria hao wakiwa wameizonga ofisi za kampuni hiyo kwenye Uwanja wa Kimataifa wa Julius Nyerere wakita kufahamu mustakabali wa safari yao.

Abiria hao wamesema, walikata tiketi za alfajiri lakini baadaye walielezwa kuwa wataondoka jioni ya siku ya leo licha ya kuutaka uongozi uwafafanulie kama abiria watafidiwa vipi kuhusu muda wao na usafiri wa kwenda na kurudi.

Wamesema, wameshangazwa na majibu ya uongozi wa kampuni hiyo ambao licha ya kuwa makosa yaliyotokea ni ya kwao hawajaweza kuonesha kujali wateja wao hao.

Azam imewatafuta viongozi wa juu wa Fast Jet  na kufanikiwa kumpata Afisa Uhusiano na Masoko, Lucy Mbogoro kwa njia ya Simu, ambaye hata hivyo amesema abiria hao wameshindwa kusafiri kutokana na ndege yao jana kupata itilafu na kushindwa kufanya kazi, hivyo abiria wote wa jana wameondoka leo na wengine wachache walikuwa waondoke asubuhi ya leo.

Usafiri
Maoni