Test
Zimbabwe kumaliza machungu ya mauaji ya miaka ya 1980

Rais Emmerson Mnangagwa wa Zimbabwe ameahidi kutekeleza uchimbuaji wa kaburi la pamoja la watu linaloaminiwa kutokana na mauaji yaliyotokea kwenye miaka ya 1980 wakati serikali ya kipindi hicho ilipokuwa ikitafuta watu waliokuwa wakiipinga.

Kati ya watu 5,000 na 20,000 wanaaminika kuuawa na vikosi vya usalama vya nchi hiyo vilivyokuwa chini ya utawala wa kiongozi wa zamani wa nchi hiyo Robert Mugabe huku mauaji hayo baadae yakija kufahamaika kwa jina la “Mauaji ya Gukurahundi”.

Miili ya watu hao inadaiwa kuwekwa chini ya igodi kabla ya kufukiwa kwenye makaburi ya pamoja.

Kwa mujibu wa BBC wananchi wengi wanaamini serikali ya nchi hiyo haijafanya jitihada ya kutosha kwa ajili ya kuzifikia familia za waathirika wa mauaji hayo.

Hadi sasa hakuna mashtaka yaliyosajiliwa wala tamko la kuomba radhi hadharani lililotolewa.

Serikali ya Mnangagwa imeahidi kutoa msaada wa matibabu kwa waathirika walio hai na kufanya mikutano ya hadhara na kumaliza unyanyasaji dhidi ya watu waozungumzia kwa uwazi waliyopitia kwenye nyakati hizo.

Inaaminika kuwwa hilo linaweza kumaliza uzoefu mbaya zaidi kwa nchi hiyo kuwahi kupitia tangu ilipopata uhuru.

Mwanamke ajifungua juu ya mti akikwepa mafuriko ya kimbunga Idai, Msumbiji

Mwanamke mmoja wa Msumbiji ameingia kwenye kumbukumbu muhimu za dunia baada ya kufanikiwa kujifungua salama akiwa juu ya mti wakati akiyakwepa mafuriko.

Mwanamke huyo Amelia amefanikiwa kujifungua mtoto wa kike aliyempa jina la Sara, wakati akining’inia kwenye matawi ya mti wa mwembe akiwa na mtoto wake mdogo wa kiume.

Familia hiyo ya watu watatu iliokolewa siku mbili zilizofuata na majirani zake.

Amelia na majirani zake walitafuta hifhadhi kwenye sehembu mbalimbali kufuatia kimbunga cha Idai kilichoua watu zaiid ya 700.

Kitendo cha mwanamke kujifungua juu ya mti kimekuja miaka 20 baada ya tukio kama hilo kutokea nchini humo ambapo msichana Rosita Mabuiango alipozaliwa juu ya mti wakati mafuriko yalipoikumba sehemu ya kusini mwa Msumbiji.

"Nilikuwa nyumbani na mtoto wangu wa kiume mwenye miaka miwili, ghafla na bila ishara yoyote, maji yakaanza kuingia ndani ya nyumba yetu," Amelia ameliambia Shirika la Umoja wa Mataifa la watoto (UNICEF).

Kauli ya mkuu wa majeshi Algeria yachochea maandamano

Kauli ya Mkuu wa Majeshi ya Algeria kumtaka Rais Abdelaziz Bouteflika kuachia ngazi imechochea maandamano zaidi ya wananchi na ya watu wa kada mbalimbali ambao kwa takribani mwezi mzima sasa wamekuwa mitaani wakimshikiza kiongozi huyo kukaa pembeni na kuwaachia nafasi watu wengine.

Tayari Chama Tawala cha FLN ambacho Rais Bouteflika anatokea kimemtaka kiongozi huyo aachie madaraka ikiwa ni mwendelezo wa shinikizo kama hilo lililotolewa na chama mshirika wake cha RND.

Jana Mkuu wa Majeshi ya Algeria, Jenerali Ahmed Gaed Salah alisema imefika wakati sasa Katiba ya nchi itumike kutangaza kuwa Rais Abdelaziz Bouteflika hafai kutawala tena jambo ambalo limeibua mitazamo mbalimbali kwa wananchi.

Mamia ya wanafunzi ambao ndiyo wamekuwa kichocheo kikubwa cha maandamano mjini Algiers, wameonekana tena mitaani wakiunga mkono msimamo wa mkuu huyo wa majeshi ya nchi hiyo ambaye pia ndiye Naibu waziri wa Ulinzi wa Algeria.

Maandamano hayo yanafanyika wakati ambapo WaAlgeria wanasubiri mchakato wa kibunge kuhusiana na Ibara ya 102 ya Katiba inayoelekeza kuwa Rais anapaswa kuondoka madarakani ama kwa kujiuzulu au kutangazwa hafai kutawala kutokana na ugonjwa, hoja ambayo ni sharti ipigiwe kura na Bunge.

Misaada yaanza kuwafikia waathirika wa kimbunga Idai

Misaada ya kibinadamu kwa walioathiriwa na kimbunga Idai nchini Msumbiji imeanza kuwafikia watu wengi zaidi baada ya maji ya mafuriko kuanza kupungua tangu yalipoyazonga makazi kwa zaidi ya wiki na kuathiri zaidi ya watu milioni moja.

Hayo yanatokea wakati tathmini ya athari za kimbunga Idai ikiendelea nchini Msumbiji huku pia baadhi ya barabara zikiwa zinakarabatiwa hali ambayo inarahisisha zaidi huduma za uokoaji na usambazaji wa chakula, dawa, maji na mavazi.

Wakati misaada hiyo ikiendelea kusambazwa, Shirika la Msaada Mwekundu limewataka waokoaji kuchukua tahadhari zaidi kutokana na tishio la magonjwa ya mlipuko katika maeneo yaliyoathiriwa na kimbunga Idai.

Nchini Msumbiji pekee zaidi ya watu 400 wamefariki dunia kutokana na kimbunga Idai ambacho kimesababisha pia vifo katika mataifa ya Zimbabwe na Malawi.

Zaidi ya watu milioni mbili wameathiriwa na kimbunga Idai katika nchi za Msumbiji, Zimbabwe na Malawi huku mamia ya watu wakiwa hawajulikani walipo mpaka sasa hali inayozidisha hofu zaidi ya kuongezeka kwa vifo.

Wawindaji wa Dogon waua kabila la Fulani zaidi ya 100

Wawindaji wa jamii ya Dogon wamewaua watu zaidi ya 100 katika shambulio lililofanyika katika kijiji cha watu wa kabila la Fulani katikati  mwa nchi ya Mali Jumamosi.

Idadi mpya imefikia watu 115 katika Kijiji cha Ogossagou.

Habari za kiusalama zimesema waathirika wa shambulio hilo walipigwa risasi au kukatwa kwa mapanga hadi kufa huku majeshi ya Mali yakisaidiwa na wakazi wa eneo waliwasili katika eneo hilo jana mchana.

Gavana wa eneo la Bankass, lililopo eneo la Ogossagou, Boubacar Kane, amesema idadi ya awali ni watu 115. Watu walionusurika wamewashutumu wawindaji hao wa kijadi kwa kufanya shambulio hilo.

Shambulio hilo lilifanyika mapema jana, Jumamosi karibu na mpaka na Burkina Faso. Eneo hilo limekuwa kitovu cha ghasia za kikabila nchini Mali.

Mauaji hayo yamefanyika wakati ujumbe wa Baraza la Usalama la Umoja wa Mataifa limetembelea eneo la Sahel kutathmini hali ya tishio la wapiganaji wa Kiislam katika eneo hilo.

Wakati mashambulio hayo yakichochewa na Kabila la Fulani kuchunga mifugo yao katika ardhi ya Dogon na mgogoro wa kupata ardhi na maji, eneo hilo pia linakabiliwa na ghasia za wapiganaji wa Kiislam.

Katika miaka minne iliyopita, wapiganaji wa Jihadi waliibuka kuwa tishio katikati mwa Mali. Kundi hilo linaongozwa na mhubiri wa kiislam, Amadou Koufa ambaye amesajili wapiganaji wengi kutoka jamii ya Waislam wa kabila la Fulani.

Unataka kuishi maisha marefu,? Lala vizuri - Utafiti

Mtaalamu mmoja wa masuala ya Neva na Saikolojia amesema ili uweze kuishi maisha marefu ni lazima ukubaliane na hali ya kuwekeza katika kujipatia usingizi mzuri .

Profesa Matthew Walker wa Chuo Kikuu cha California , amesema "Usingizi ni kiungo muhimu cha kidemokrasia na mfumo wa afya ambao unapatikana bure.”

Wakati Profesa huyo akisema hvyo, jamii ya kisayansi nayo inaamini kwamba baada ya miaka 50, wataalamu wa usingizi kote duniani hawatafanya tafiti za kuangazia kile ambacho kinasababishwa na usingizi.

Sayansi imebaini kwamba ukosefu wa usingizi husababisha athari mbaya kwa miili na ubongo.

“Kila ugonjwa unaowauwa watu katika mataifa yaliyoendelea kama vile ugonjwa wa kusahau, saratani, magonjwa ya moyo, kunenepa kupita kiasi, kisukari, wasiwasi na hata mtu kutaka kujiua yanahusishwa na ukosefu wa usingizi.

Katika utafiti huo, wataalau hao wamesema, mifumo yote ya kisaikilojia katika mwili wa binadamu ama hata operesheni ya akili huimarishwa wakati mtu anapolala.

Utafiti huo umeongeza kuwa viungo hivyo vyote huathirika iwapo mtu anakosa usingizi mwanana na ni sharti usingizi huo uwe halisi ili viungo hivyo kuweza kuimarishwa.

Kwa wale wanaotimu sawa za kumfanya mtu apate usingizi zinahusishwa na kiwango cha juu cha hatari ya kupata saratani, maambukizi n ahata kupelekea vifo.

Waliokufa kutokana na kimbunga Idai wafikia 417 nchini Msumbiji

Idadi ya watu waliokufa kutokana na kimbunga cha Idai kilichosababisha mafuriko makubwa nchini Msumbiji imeongezeka maradufu kutoka watu 242 hadi 417, amesema waziri wa Ardhi na Mazingira wa Msumbiji, Celso Correia.

Idadi hiyo mpya inafanya idadi kamili ya vifo kwa nchi tatu za kusini mwa Afrika, Msumbiji, Malawi na Zimbabwe zilizoathiriwa na kimbunga hicho kufikia 700.

Vifo zaidi vinatarajiwa huku mlipuko wa ugonjwa wa kipindupindu ukiripotiwa kutokea katika baadhi ya maeneo hali inayoongeza wasiwasi wa ongezeko la vifo.

Kimbunga Idai kimeua takribani watu 259 nchini Zimbabwe huku nchini Malawi vikiripotiwa vifo 56.

Hata hivyo Umoja wa Mataifa umesema unaweza kutambua madhara halisi pindi maji yaliyofunika baadhi ya maeneo yatakapopungua.