Burundi akwamisha mkutano wa wakuu wa nchi za EAC

|
Wakuu wa nchi za Jumuiya ya Afrika Mashariki wakijadili kabla ya kuahirishwa kwa kikao hicho

Mkutano wa 20 wa Wakuu wa Nchi wa Jumuiya ya Afrika Mashariki uliopangwa kufanyika katika Kituo cha Mikutano cha Kimataifa cha Arusha (AICC) umeahirishwa hadi Desemba 27 kutokana na kutokuwepo kwa mwanachama mwenzao ambaye ni Burundi.

Mkutano huo ambao maandalizi yake yalikamilika ulikuwa ufanyika ndani ya ukumbi wa Kimataifa wa AICC ambapo mawaziri wa Mambo ya nNe kutoka Tanzania, Rwanda, Kenya na Sudani waliwasili mapema kwaajili ya kuanza kwa mkutano huo kabla ya kuwashuhudia wakinyanyuka na kutoka nje mara baada ya kutaarifiwa kuahirishwa kwa mkutano huo.

Akizungumza mara baada ya kuahirishwa kwa mkutano huo, Rais Yoweri Museveni ambaye ndiye mwenyekiti wa jumuiya hiyo, amesema mkutano huo umeahirishwa kutokana na mmoja wa wanachama wa jumuiya hiyo ambaye ni nchi ya Burundi kutohudhuria, ilhali mkataba wa jumuiya unataka maamuzi yafanywe na wanachama wote kwa pamoja.

“Tuliamua kuahirisha mkutano kwa leo kwa sababu mmoja wetu ambaye ni Burundi hakuja, tumeahirisha mkutano mpaka tarehe 27 Desemba, 2018 wakati sisi wote tutakapokuwepo, kwa sababu mkataba wa Afrika Mashariki unasema mambo mawili, moja lazima tuwe na mkutano mmoja wa kawaida kila mwaka na ndio huu wa leo.

“Lakini vile vile uamuzi wowote utakaofanyika lazima wanachama wote wawepo, kwa hiyo kama mmoja hayupo sio vizuri kuendelea, inakuwa inakwenda kinyume na mkataba” amesema Rais Museveni.

Mara baada ya kikao cha ndani kilichofanyika katika moja ya kumbi za watu mashuhuri ndani ya kituo cha AICC, Marais wote watatu wamesafiri kwa gari moja hadi Ikulu ndogo ya Arusha Mjini ambako Rais Magufuli amewaalika wageni wake kwa chakula cha mchana na kisha kutoa tamko la pamoja la kuahirishwa kwa mkutano huo hadi tarehe 27.

Kesho Disemba Mosi, Rais Magufuli akiendelea kuwa mjini Arusha pamoja na Rais Uhuru Kenyatta ambapo watafungua Kituo cha Huduma za Pamoja Mpakani (One Stop Border Post) katika eneo la Namanga mpakani mwa Tanzania na Kenya.

Utawala
Maoni