Dada wa kiongozi Korea kaskazini kuhudhuria Olimpiki

|
Kim Yo-jong (kulia) akiwa na kaka yake, Kiongozi wa Kim Jong-un ambaye ni kiongozi wa Korea Kaskazini

Dada wa Kiongozi wa Korea Kaskazini na mwenye ushawishi mkubwa kwa kaka yake, Kim Jong-un anatarajiwa kuhudhuria sherehe za ufunguzi wa michezo ya Olimpiki zitakazofanyika Ijumaa,  taarifa hiyo imethibitishwa.

Kim Yo-jong ni mtoto mdogo wa marehemu kiongozi Kim Jong-il na jukumu lake liliongozeka wakati alipopandishwa cheo na kuwa kiongozi wa masuala ya sera ndani ya chama (politburo).

Nchi hizo mbili za Korea zimekubaliana kupita na bendera moja katika sherehe hizo za ufunguzi.

Ushiriki wa Kaskazini katika mashindano hayo, unaonekana kama suluhu ya mwanzo ya kuimarisha uhusiano wa nchi hizi mbili.

Hata hivyo wataalamu wa mambo wanasema, ukaribu huo hauoneshi kuwepo kwa matokeo chanya kuhusu matamanio ya kutengeneza nuklia kwa Kaskazini.

Kim Yo-jong, na  Kim Jong-un, ni ndugu waliozaliwa na mama mmoja, ambaye ataongozana na kiongozi mkuu wa Kaskazini, Kim Yong-nam, ambaye ushirika wake ulitangazwajuma lililopita.

Zaidi ya wajumbe 280 kutoka nchini Korea Kaskazini wakiwemo viongozi wa Timu ya ushangiliaji, wameshawasili nchini humo, jana Jumatano kwa majira yao.

Utawala
Maoni