MC Pilipili amvisha pete mchumba wake, amwaga chozi la furaha

|
MC Pilipili akiwa akionesha pete aliyomchagulia mchumba wake

Mchekeshaji na mshereheshaji katika shughuli mbalimbali nchini Emmanuel Mathias maarufu kama MC Pilipili ameanza mwaka mpya wa 2019 kwa kumvisha pete mchumba wake anayetarajia kufunga naye ndoa baadaye mwaka huu.

MC Pilipili  kupitia ukurasa wake wa Instagram aliweka picha za tukio hilo la kumvisha pete mchumba wake huyo tukio lililopokelewa kwa hisia tofauti.

Miongoni mwa waliolipokea kwa furaha tukio hilo ni Mkuu wa Mkoa wa Dar es Salaam, Paul Makonda ambaye kupitia ukurasa wake wa Instagram alimpongeza Mchekeshaji huyo na kumtaka kuwahamashisha wenzake maarufu kufuata nyayo zake.

“Nakuomba mc Pilipili umsaidie na @diamondplatnumz kwani yeye kila tarehe ikikaribia anasogeza mbele ona sasa anamsubiri Rick Ross aje, sasa sijui ni harusi au Tamasha,” ilisema sehemu ya ujumbe wake

Hata hivyo kiongozi huyo kijana pia alitumia jukwaa hilo kumpongeza mmiliki na mkurugenzi wa E TV na Redio, @Majizo na mchumba wake Elizabeth Michael aka Lulu wanaodaiwa kufungia ndoa yao nchini China.

Amewataka vijana maarufu nchini kuishi maisha yenye uhusiano safi na wenye afya kwa kufuata nyayo za MC Pilipili na wengineo.

Maisha
Maoni