Mwanamke ajifungua juu ya mti akikwepa mafuriko ya kimbunga Idai, Msumbiji

|
Amélia na binti yake "mchanga" kwa sasa wanaishi kwenye makazi ya muda kwenye eneo la jirani la Dombe.

Mwanamke mmoja wa Msumbiji ameingia kwenye kumbukumbu muhimu za dunia baada ya kufanikiwa kujifungua salama akiwa juu ya mti wakati akiyakwepa mafuriko.

Mwanamke huyo Amelia amefanikiwa kujifungua mtoto wa kike aliyempa jina la Sara, wakati akining’inia kwenye matawi ya mti wa mwembe akiwa na mtoto wake mdogo wa kiume.

Familia hiyo ya watu watatu iliokolewa siku mbili zilizofuata na majirani zake.

Amelia na majirani zake walitafuta hifhadhi kwenye sehembu mbalimbali kufuatia kimbunga cha Idai kilichoua watu zaiid ya 700.

Kitendo cha mwanamke kujifungua juu ya mti kimekuja miaka 20 baada ya tukio kama hilo kutokea nchini humo ambapo msichana Rosita Mabuiango alipozaliwa juu ya mti wakati mafuriko yalipoikumba sehemu ya kusini mwa Msumbiji.

"Nilikuwa nyumbani na mtoto wangu wa kiume mwenye miaka miwili, ghafla na bila ishara yoyote, maji yakaanza kuingia ndani ya nyumba yetu," Amelia ameliambia Shirika la Umoja wa Mataifa la watoto (UNICEF).

Maisha
Maoni