Prince Harry na Meghan kuzawadia watoto wengine zawadi za mtoto wao

|
Prince Harry na Mkewe Meghan Markle wakiwa katika picha ya pamoja wakiwa na shauku ya kusubiri mtoto wao wa kwanza

Mwanamfalme Harry na mkewe Meghan Markle wameonesha furaha na mapenzi yao kwa pamoja katika ukurasa wao wa Instagram kwa kuwataka mashabiki wao kutoendelea kutuma zawadi  kwaajili ya mtoto wao mtarajiwa na badala yake zawadi hizo zitumwe kwenye vituo vya uhutaji vilivyochaguliwa.

Watawala hao wa eneo wa Sussex wametoa pendekezo hilo  kupitia  ukurasa wao huo wa pamoja wa Instagram kufuatia kufurika kwa zawadi na salamu za mtoto mtarajiwa anayetarajiwa kuzaliwa wiki chache zijazo mwezi huu.

Katika pendekezo lao hilo wawili hao wameshukuru kwa michango ya salamu na zawadi zinazomiminika kwao ambazo mpaka sasa jumla ya wanasesere 90 na vinguo aina ya vifulana 15 vimeshapokelewa katika kasri lao.

Kupitia ukurasa huo uliozinduliwa Alhamisi ya juma hili, na tayari umeshafikia wafuasi milioni 4.1 wawili hao wamewataka wapenzi na wafuasi wao kuchangia kwenye vituo vinne walivyopendekezwa zawadi hizo kupelekewa na baadaye kuzisambaza kwa watoto na wazazi wenye uhitaji mbalimbali.

Wawili hao wamewashukuru wafuasi na wapenzi wao kwa salamu na mapenzi waliyoyaonesha kwao wakati huu ambao wanasubiri mtoto wao wa kwanza.

Taarifa hiyo ilisisitizwa pia kupitia taarifa kwa umma ikisisitiza Umma kuchangia vituo vyenye uhitaji na kuchangia huko na kuwashukuru wote ambao wameshachangia .

Vituo ambavyo vimeteuliwa ni pamoja na taasisi zifuatazo ambazo ni The LunchboxFund, Littlevillagehg, WellChild na Baby2Baby.

Maisha
Maoni