Theresa May akwaa kisiki kwa wenzake Ulaya

|
Waziri mkuu wa Uingereza, Theresa May akiondoka kwenye mkutano wa viongozi wa Umoja wa Ulaya, pembeni yake ni Kansela wa Ujerumani, Angella Merkel

Viongozi wa Umoja wa Ulaya (EU) wamemwambia Waziri Mkuu wa Uingereza, Theresa May kuwa mapendekezo yake ya kumsaidia kusukuma mbele mchakato wa kuachana na umoja huo kwa lengo la kuwashawishi wananchi wa Uingereza kuunga mkono, hayajawekwa wazi kiasi cha kumsaidia kwa sasa.

Badala yake viongozi hao 27 wamesema wataendelea kuitafakari mipango hiyo kuelekea Machi 29 mwakani ambapo hatua watakazozichukua viongozi hao zitawasilishwa wiki ijayo.

Hayo yamebainika leo wakatika viongozi wa nchi 27 wanachama wa EU walipokutana na Waziri mkuu wa Uingereza, Theresa May ambaye baada ya kunusurika kura ya kutokuwa na imani na uongozi wake kutoka kwa wabunge wa Chama chake cha Conservative, akaamua kwenda kuonana na viongozi wenzake wa EU ili kuhakikishiwa juu ya masuala yenye utata katika muswada wa Mkataba wa Brexit ili aweze kuwashawishi wananchi wa Uingereza kuunga mkono mpango huo.

Wamesema wanasita kusema kwamba hakutakuwa na mabadiliko ya maana katika mkataba wa kisheria unaoihusu Uingereza kuachana na Umoja wa Ulaya na kusema kuwa mkataba huo hauruhusu majadiliano mapya.

Mpango wa Brexit una wakosoaji wengi lakini suala moja ambalo halibadiliki, ni suala la udhibiti wa mpaka lililowekwa kisheria kati ya Ireland Kaskazini ambayo ni sehemu ya Uingereza na Ireland ambayo ni mwanachama wa EU.

Utawala
Maoni