Waziri Kalemani awashukia wakandarasi wanaokataa kupokea maombi ya REA kwa ukosefu wa nguzo na nyaya

|
Kalemani awawashia moto wakandarasi wa mradi wa REA.

Waziri wa Nishati Medard Kalemani ameagiza wakandarasi nchi nzima pamoja na mameneja wa mikoa yote kupokea maombi ya wananchi ya kuunganishiwa umeme katika mradi wa REA badala ya kukataa kupokea maombi hayo kwa visingizio ya kutokuwa na miundombinu ikiwemo nguzo, na nyaya za umeme.

Waziri Kalemani ametoa maagizo hayo mkoani Geita alipokuwa akizingumza na wananchi wa kitongoji cha Ipandanshimba wilayani Chato.

“Pokeeni maombi yao na pindi mnapopata miundombinu ikiwemo nguzo na nyaya inakuwa rahisi kuwafungia badala ya kuanza tena kuwatafuta” Amesema waziri Kalemani

“Iwapo itabainika kiongozi yeyote anakataa kupokea maombi ya wananchi wanaotaka kuunganishiwwa umeme wa REA, hatua zitachukuliwa dhidi yake kwa kukwamisha jitihada za Serikali” alisisitiza.

Katika hatua nyingine, waziri Kalemani amewataka wakandarasi wanaoshughulika na mradi wa REA kuwasha umeme kwenye nyumba zote bila kujali aina za nyumba hizo.

“Nawataka wakandarasi wawashe umeme kwenye nyumba za tembe, majani, makuti na hata ikiwezekana kama ipo kwenye mti. Lengo la Serikali ni kuwawashia wnanchi wake umeme hususani wale waishio vijijini”.

Maisha
Maoni