Mwanariadha wa Ethiopia aliyemakinisha dunia wakati wa Olimpiki azawadiwa na serikali yake

|
Feyisa Lilesa akimaliza mbio za Olimpiki mwaka 2016 kwa alama ya kufungwa minyororo.

Mwanariadha wa Ethiopia aliyeifanya dunia kumakinika na hali ya migomo na maandamano nchini humo wakati akimaliza mbio za Olimpiki zilizofanyika nchini Brazili kwenye jiji la Rio de Janeiro hatimaye amezawadiwa na serikali ya nchi yake.

Feyisa Lilesa, ambaye amepewa $17,000 (TZS 35m), amesema jitihada zake na magumu aliyopitia hatimaye yamefanikiwa kutokana na kuwepo kwa aina za uhuru zilizokuwa zikipiganiwa na watu wa kabila la Omoro.

Mwanariadha huyo alimaliza mbio hizo akiwa kwenye nafasi ya pili na wakati wa kumaliza mbio hizo za mwaka 2016 alipishanisha mikono yake juu ya usawa wa kichwa chake kuashiria kufungwa minyororo ikiwa ni alama ya kukandamizwa kwa waandamanaji nchini mwake.

Aliendelea kusalia uhamishoni kwa miaka miwili zaidi akisema maisha yake yalikuwa hatarini.

Maisha
Maoni